160730雷暴前的開心游

上星期無來游水, 今日點都要來.

太開心了.

今日比前兩星期無咁焗熱.

今早正開始慢慢潮退, 河道無乜水.

所以, 浮現左砂石出來, 竟然有人砌左咁大個心型.

雖然紅樹林呢個位無水.

但出少少近赤徑灣就剛剛好.

呢度內灣, 唔怕有大浪.

不停游.

其實我都幾鍾意游水.

但只限無浪的岸邊.

唔駁大細媽叫, 自動游左好多轉.

每次來游水, 最攰係我.

因為一家四口, 得我識游水咋.

都游左 25分鐘.

校啱時間.

回程沖身了.

下星期二有可能來颱風到香港附近, 下星期六, 要睇下天氣點了.

婆婆今日選擇打傘坐低, 浸腳睇魚魚, 幾識嘆.

婆婆, 唔可以嘆太耐, 我都游左半粒鐘.

要慢步行去碼頭呀.

水繼續退, 呢塊躉頭浮出來.

媽咪 : 叫你坐低影, 坐到咁樣呀 =.='

今日頂太陽帽, 好似跌得好落, 遮左眼前好多.

定係媽咪幫我紮辮仔, 紮得太低呢 ?

當我過橋到對面, 可能睇唔清路, 唔小心, 由差不多四呎高石躉, 失足飛墮在紅樹林海邊, 當然媽咪剛企係我身邊, 睇住成個過程,  嚇到大細媽不知所措, 好彩我係似飛躍姿勢, 墮在沙中, 無跌在旁邊的石頭. 媽咪都唔知邊度可以落到去, 佢怕高, 我在灘邊周圍搵位, 想上返來, 細媽奮不顧身, 但石躉太高, 細媽惟有鼓起勇氣爬落去, 當時, 細媽已經落灘, 見我唔到, 佢地好驚呀. 其實, 我聰明仔, 搵到個小去水位, 行到入露營區, 再轉返出來, 在佢地身後出現.

好彩無跌傷, 無損, 無流血咋.

差不時間, 我見有船來, 好興奮跑去碼頭等船靠, 點知又出事.
我企得太近碼頭躉, 叔叔拋纜時, 剛好拋正我, 好彩纜繩碰到我頭, 我即低頭避開, 無俾纜箍住, 好危險呀, 下次唔企近了.

順利上船, 休息下, 上岸到馬路旁, 正想電召的士, 剛好有三架的士來碼頭落好, 真好彩.