160702愛在紅樹林中

我昨晚偷聽到, 就算今日有驟雨, 都一定有街去, 所以我太緊張, 四點幾就拍細媽起身.

原來今日可以瞓到 6 點先起身.

半夜有雨, 起身都落緊雨, 仲有雷暴警告, 但好彩只係影響我地果區, 西貢係無雨呀, 仲好好天.

可能太早起, 我無醒咁.

但行多幾步, 精神返了.

你地睇, 陽光幾好.

快快落到赤徑紅樹林, 今日條河少左水喎.

但我見到水, 真係好開心, 又自動落去.

又真係淺左D.

媽咪話, 不如出河口位.

時間早, 河口水位比上星期高, 唔駛出咁遠.

條河行出少少, 水好深呀, 大細媽都係行到中間, 到膝頭位止步.

水有D凍, 我唔太想落來.





又魔鬼上身.

走佬先.

我今日唔想係果度玩.

都係行來紅樹林好D.

跟住細媽行.

原來水深到要游先得.

但呢度仲係覺得安全.

游左玩左好耐.

都係返上岸, 我地仲要校準時間, 坐 10:10am班船返黃石碼頭.

婆婆, 唔好又Hea.

游完水, 個身仲係有D凍.

要吸收返少少陽光.

但唔會似班牛牛, 在海邊曬住.

上星期好少人, 今日好多人喎.

原來成二十人準備坐船去馬料水.

細媽話今日試去黃石, 睇下邊度返屋企早D同方便D, 今日剛好十點左右到碼頭, 見遠遠有船駛來.

真係上星期位船員叔叔.

船就快駛到.

準備先.

咦, 點解今日係船頭靠岸, 婆婆要爬上船了.

剛才一群廿人上晒樓上, 有另一家人同我地在樓下, 我地唔係包樓下了.

媽咪話出面風景好, 叫我在船頭影張相.


船開緊, 我怕企唔定, 不如係度影就算啦.

今日剛好 11 點就到哥哥餐廳, 姨姨認得我,仲問好耐無入來西貢玩, 我都想成日來, 但熱呀, 入冬先.

由黃石出返西貢, 又真係比船去馬料水, 早左大半個鐘返屋企, 下次識點預時間.