新到手, 媽咪未認清點用, 乜都影下.
當然, 主角係我.
加D配角.
影左幾張就想影我行路相, 都未校好, 有少少對唔正.
我定住俾你影啦.
用自動白平衡, 出到城河畔, 係在陰影下, 但偏藍, 要研究點改色溫.
有新玩具, 細媽知媽咪要摸熟部機.
暫時, 仲未聽到投訴.
媽咪, 但係你都要留意時間.
我今日預兩點瞓午覺呀.
今日仲有一好特別.
就係月亮仲好大.
有無留意到 ?
再來試跑動相.
都係唔太清, 我都知樹蔭下, 唔夠光.
咁影對岸.
拉近樹上大葉紫薇花來影啦.
又或者, 打近影我地都得, 又得左.
又遇到呢位幸運小狗 - 得得B, 佢好細咋, 年頭在山上出世, 野外流浪, 佢媽咪餵開山上狗奇, 見佢BB在外流浪, 又有些皮膚病, 抱左返屋企.
我都識左佢快兩個月, 長大左好多, 皮膚好返, 生返靚毛毛出來.
佢係怕厭D, 但媽咪請佢食野, 佢認媽咪,媽咪話得得B仲用脷仔錫佢呀.
仲有其他小朋友, 我地聚左好耐, 都係要睇時間.
差唔多, 轉回頭.
唔知佢地走未.
回程, 大家都未走, 仲多左朋友仔.
但唔Hea 得, 遲左食早餐喇, 媽咪, 唔好成日吹水, 你睇住時間, 我休息唔夠, 實吠爆你.
沒有留言:
張貼留言