150530晨運開始

媽咪見天氣熱, 上星期日, 8 點幾起步, 我都越行越熱, 所以, 昨日決定, 今日再早些.

但媽咪未習慣摸黑起來, 所以, 今日 7點先起步, 等習慣早起後先算.

其實, 我可以早起呀, 未到 4 點半, 我已經不停叫媽咪起身, 佢懶床咋.

屈左成 6 日, 出來鬆鬆, 我仲順便磨腳趾甲.

7 點幾, 太陽升得好早, 由小瀝源河出來, 都會俾陽光照到.

大樹上的大菇, 應該無人會爬上去摘來食.

出到城門河, 陽光被高樓擋了, 陣陣風吹來.


好舒服呀.

當然, 陽光都會在樓宇間偷偷出來照下我, 我咪行快兩步o羅.

有風時, 耳仔甩剩的長毛毛好飄逸.

大細媽等緊我耳仔毛毛長返, 但到時又入秋了.

細媽 : 洛洛, 你捐入來樹叢, 都唔會涼好多, 出來啦.

咁又係, 太陽升得越高, 氣溫更高, 現在有成 31 度.

好彩有厚雲頂頂.

夠了, 夠了, 我行左連埋休息, 接近兩個半小時.

都係時間食早餐.

又俾我坐到風機位, 邊吹風, 邊食雞干同飲水, 至高享受.
但大風吹住, 儀容又真係幾........... XD