150510母親節大餐

回顧返 18/4, 細媽突然同大媽講的一段笑話

細媽對媽咪 : 今年無老母節, 我地去食返餐慶祝喇.
洛洛 : 係呀, 我地無老母, 得大媽, 細媽, 我同婆婆咋.
跟住, 婆婆話 : 無老母唔緊要, 有餐食就得.

雖然平日假期, 我地四口組都出動, 點都會在外食下飯. 今日係母親節, 我地點都要扮下野, 去食返一餐唔同的呀.

呢間價錢比我地幫襯開的一家貴一點, 咁先好似有些分別

婆婆又古惑起來.

洛婆婆(奸樣)：家洛, 你今晚請你大細媽食飯, 我又可以黐多餐 
洛洛(驚訝)：吓, 我係細路仔, 無錢錢呀, 大細媽話, 只要我健健康康就夠
洛婆婆：咁我咪食少左一餐
（以上全係婆婆真情對話，洛洛回應，由細媽用獨家傳心術代為翻譯。）

大細媽心聲 : 一直以來, 日日對住, 每逢假日, 齊齊出勤, 又真係無必要專登去食返餐. 但間中食餐好少少, 又未嘗不可, 最緊要都係兩婆孫身體健康, 點食都開心.

回家途中, 又見有棵蘭花在花叢長出, 好靚.

但又唔知名, 又要搵搵先.