150510無老母節

昨午場暴風雨, 仲以為今日會在家, 應左細媽 18/4 預言 : 無老母節 =.=

好彩, 起身都算天氣尚可, 本來細媽話在家附近走走, 媽咪話入去沙田, 我會開心些, 有乜車來就上, 最後來了大水坑.

好耐無由呢度出發行.

感覺好多地方變了.

呢個單車停泊處, 翻新後, 無入來.

媽咪見得意, 叫我站在其中.

鳳凰木花開時, 但唔通過了時間, 路邊的紅花, 唔係好多咋.

婆婆昨晚同肥舅父一家預早食大餐, 因為我唔方便入食店, 我同大細媽留在家.

早前紅棉, 呢刻火焰紅, 雖然天暗暗, 都無損紅花盛放.

媽咪睇天文台, 知有一大片雷雨吹來, 天上雲多了, 都擔心突然滂沱大雨, 想起某次在大水坑橋底避雨, 避西, 記憶猶新.

但唔見雨, 陽光曬就有.

最後, 我要求上細媽號私家車, 有媽咪真好, 婆婆都羨慕我.

婆婆, 你仲老當益壯呀.

細媽成日話我腳短, 僅係易攰啦.

還有個多月就端午節, 龍舟參賽者密密練習, 屆時城門河畔肯定好熱鬧呀.