150509大城石澗旁小徑

入夏, 天氣又唔穩, 媽咪諗放假去邊都好頭痛, 都係唔煩. 昨日大姨媽問我地今日去邊玩, 媽咪話又係去城門水塘 hea.

大姨媽提議行返上次在大城石澗旁的山徑, 繞個圈回蝴蝶園, 又好喎.

今日見好多蝴蝶.

我揀由菠蘿霸自然教育徑起步, 路好行, 但要留意有無馬騮呢.

天暗中又有短暫陽光, 又唔怕曬親.

又見另一種蝴蝶.

天文台報最高有 30 度.

但來到城門水塘, 顯然落過雨.

到廁所位, 又見陽光, 但地面石頭有青苔好濕滑.

媽咪都想過繞水塘一圈, 但大姨媽話上山啦, 我地就無反對照行.

我四腳仔濕晒, 又掘泥, 大細媽都無眼睇.

婆婆, 過姨母橋, 唔好太興奮, 睇路呀.
姨母橋呢個名, 係細媽起, 事由係記實 21-12-2014, 我地在呢條橋, 發茅呆等大姨媽事.

行行下, 滿地星星, 抬頭望, 好靚星形花球, 原來呢種植物叫 : 球蘭 - ASCLEPIADACEAE蘿藦科

今次, 大細媽長氣, 叫住大姨媽唔好走開, 因為頭頂一大片烏雲, 又入石澗會有危險.

你地見咁多長苔, 都知要小心慢行啦.

又到"路不通行"位, 雖然可以出水澗, 天色唔好, 唔入去了.

菇菇世界.

人家話賤肉橫生, 其實樹木生命力頑強, 橫生都無問題, 只要樹木健康, 樹根抓實泥土, 係可以防山泥傾瀉.

出返車路, 除左背脊, 肚仔同四手腳都係泥同碎枯葉.

成棵成型了的葉脈書簽.

我濕晒身.

大媽, 細媽, 你地肯抱我嗎 ?

到車路, 我又做幸福小孩, 因為係大細媽輪流抱我呀.