登高長征後的翌日, 細媽話去獅子會, 瞓完A亭去B亭瞓, 瞓晒咁多個亭就返屋企附近食早午飯.
點知今早起來, 落毛毛雨, 都唔知獅子會會唔會過濕, 我繼續月媽咪懶床多一陣, 再入來沙田城門河行下算了.
昨日係威係勢o既婆婆, 今日終於覺兩腿有點酸軟呀, 都好正常呢.
細媽成日問我四隻手腳有無事.
唔答, 行動回佢.
媽咪話 : 早前有報導話要將木棉絕育, 真係白痴又無知, 海報仲話選賢任能, 唉....
紅棉 -
紅棉盛放, 天氣暖洋洋, 英姿勃發堪景仰, 英雄樹, 力爭向上, 志氣誰能擋
紅棉怒放, 驅去嚴寒, 花朵競向高枝放, 英雄樣, 萬眾偶像, 紅棉獨有傲骨幹
我正直無偏, 英挺好榜樣, 有上進雄心, 堅決爭光, 結棉子, 借風飄, 四方樹苗堅壯
紅棉盛放, 天氣暖洋洋, 英姿勃發堪景仰, 英雄樹, 力爭向上, 紅棉獨有傲骨幹
今日短短地, 行去大圍.
市區除了木棉花, 亦有洋蹄甲花盛開.
洋蹄甲比櫻花更適合香港生長, 種多些, 咪變花路o羅.
本來都好好地, 當去到大圍, 大細媽話肚餓, 食完野先返家, 我坐坐下, 先識攰, 立刻要入袋自己瞓呀.
沒有留言:
張貼留言