150321三度上鳳凰山,

一直以來, 媽咪都諗, 我同婆婆會唔會再上鳳凰山, 因為遲些踏入夏季, 再年紀稍大, 都唔適宜行.

事前做足功課, 雖然市區好熱, 但昂平及山上一帶, 因仍在春季, 唔會太乾燥, 唔會太濕, 溫度比市區低幾度, 加上有東北季候風來, 唔太熱, 唔太凍, 係好時機, 下星期或打後, 夏季來, 無機會了, 想多行一次都難安排.  

兩次都行 6 小時, 今日由 8:30am起步, 希望保持紀錄.

預左春分時候, 呢帶會聚集濕氣, 所以一定會仙氣飄飄.

雲海繞山, 因比較開揚, 四處唔會濕淋淋.

大東山都係在雲海中.

婆婆望到雲霧飄, 好興奮, 因平時知濕氣重, 我地係唔會行泥地.

早出發, 溫度就唔會高. 行得輕鬆.

早準備, 如果環境及天氣不許可, 在此(L020)轉去水口.

但除除風吹來, 好爽呀, 所以決定繼續行程.

勁風.

婆婆, 慢慢步上.

我地早起步, 但都好多人遲出發, 過晒我地.

今日有蟲搭順風車.

婆婆, 我知你要慢上, 我同細媽係度等你呀.

又風吹, 唔係似第一次咁勁風, 今次零舍爽.

有陽光, 但雲霧都唔無俾陽光照散.

南天門來了.

婆婆 : 風吹甩帽, 戴唔到.
媽咪 : 唔戴影相, 仲靚女呀.

婆婆, 見到鳳凰山嗎 ? 快到呀.

越上得高, 開始見有杜鵑花.

近在咫尺的鳳鳳山.

唔趕時間, 行下休息下, 婆婆都好有魄力.

見避風亭.

只欠少少到頂.

全家興奮莫明.

快 76歲的婆婆, 剛十歲的我, 第三次重踏上 934M的鳳凰山, 真係好開心.

三次來, 三次都唔同木牌, 今次好新.

次次都好多昆蟲在山頂, 蟲蟲成日黐身, 婆婆仲俾隻衰蟲咬左一啖, 不宜久留, 快閃.

下天梯.

今日另一重頭戲係賞野花.
北江堯花

華麗杜鵑.

光葉山礬

原來大嶼山都有吊鐘花.

美山礬

仙境漫遊.

行山石級高, 有些仲高過我, 上山時, 係我自己行上山頂, 細媽怕我攰, 落山堅持抱我.

羊角杜鵑.

途中在樹蔭下等婆婆.

婆婆, 慢慢.

有花相伴, 婆婆樂透.

遍山杜鵑, 但都在山岥, 好彩相機可拉近.

春天來, 樹木生出嫩葉, 五顏六色, 心舒暢.

快到平路喇.

第一次見的小白花.

終於行完石級.

可能沿途都有好多人讚婆婆, 婆婆全日都笑容滿面.

仲無倦容.

我都要扮神氣樣.

見心經簡林, 可唔可以在紀錄時間內完成呢 ?

剛好 14:30pm到達牌坊.

又完成心願.

婆婆話仲咁早, 不如行落去東涌, 我都想行石壁郊遊徑呀, 但都俾大細媽否決.

佢地話夠皮, 快快走, 怕遲走又要等. 兩條行程, 搵時間先行喎.