媽咪, 又話向西好, 何解來東邊, 又重濕氣, 又大風, 好彩著左件衫擋頂下咋.
大媽 : 唔通又去城門水塘咩, 仲潮濕啦, 你又腳短, 行兩行, 全腳同肚仔又濕, 你又變震震B, 行上窰郊遊徑好過啦.
咁又係, 雖然厚雲, 又濕度又接近 95度, 但相信唔會有雨.
剛才吹到頭髮亂, 起步前, 熱下身.
變返靚仔先出發.
身仔凍凍, 笑唔出.
婆婆就勁, 好似昨日無行過遠足咁.
起步, 婆婆猛話無花, 唔及昨日, 其實呢度花期較遲, 多數係花蕾, 路旁很多, 遲些開花會好壯麗.
同昨日比, 東邊真係濕好多, 加上唔係砂質泥, 大細媽都擔心我會泥漿腳.
好彩, 都未至於係泥濘地, 跑快都唔會濺到成身泥.
但行極都唔熱身到.
今日惟有做 Cool Boy.
或者擺萌樣啦.
費時, 媽咪投訴我.
又到崖邊, 媽咪叫我自己揀位, 我都係鍾意企高些.
全日最危險的落山石級, 遍佈青苔.
吩咐左婆婆慢行, 唔好學我快步落.
Hea Hea 慢行, 都唔駛兩個鐘行完.
媽咪 : 洛洛, 坐低擺個靚pose俾媽咪影張相, 得唔得 ?
洛洛 : 當然無問題, 咁o既坐姿, 值幾多分呀.
沿自然教育徑行出大路, 可以將腳底濕泥擦走.
今日行程結束. 媽咪又盤算下星期行程, 相信暫時唔行新路, 因為濕度好似又會100度呀. 隨緣啦.........
後篇 :
洛媽 : 冬去, 春來, 萬物更新, 遍地各式各種植物萌芽開花. 昨日見生果報話在大嶼山東澳古道大澳初段, 有車輪梅及兩廣黃檀, 不知名的植物盛開. 其實呢些植物, 全港處處皆有, 昨日在大欖一帶都好多, 全山頭都係, 今日在西貢也是. 只要你肯踏出腳步, 遍山豔麗花兒迎著你.
沒有留言:
張貼留言