初春, 靠東及高海拔都會多霧及濕氣重, 地滑, 不宜我同婆婆行.
所以, 向西行比較安全呀.
萬象更生, 百花盛開, 包括大細媽最快的鬼針草花.
近排出來, 一到埗, 次次都有風吹到我又凍又震, 今日著定件T恤打底.
行完一輛上斜, 熱身完, 暖晒.
三月杜鵑開, 四周都長滿花.
婆婆話要人比花嬌.
我都唔蝕.
野生杜鵑更美.
自然教育徑閘口位, 有棵剛好適時, 我企在柱位俾媽咪影相, 更亭叔叔話我似銀行獅子石像.
我最鍾意自己上石躉行貓步.
又愛上木檯, 等雞湯車到.
今日幾乾爽.
媽咪想轉入圓墩郊遊徑行, 再轉返入車路, 但細媽怕泥徑滑, 否決了.
都驚上咁高, 四周濛朧, 原來唔係呀.
到觀景台, 雖然厚雲, 都覺紫外線有點高.
婆婆行得輕鬆自在, 我地都唔駛擔心佢滑倒.
樹葉出嫩芽, 紅橙綠, 只在春天有.
呢個觀景台, 前方樹木清除, 仲種左好多杜鵑, 若干年後, 花開期, 望去千島湖, 必定好正.
又到分岔位, 媽咪又提話剛才想行的一段, 會接返呢度, 細媽見條泥徑乾爽, 同意由呢度行去大欖水塘.
少少崎嶇.
慢慢行.
次次由水塘段行, 見呢個位, 都唔知接去邊, 今次知喇.
必到的越野單車場.
知我身旁紫色係乜花嗎 ?
韓信草的花.
今日抬頭望, 四處都係密密麻麻的花, 好多都係車輪梅 (石班木)
唔止呀, 宮粉洋蹄甲都好多.
好多嗡嗡聲, 由附近傳來.
唔通有大花叢 ?
蜂聲由嫩黃葉的攀藤植物傳來.
原來嫩黃葉的攀藤植物有好多細少花芯, 肯定好多花蜜, 吸引左好多蜂兒採蜜.
又到打咭位.
到此一拍, 唔需要留字.
兩廣黃檀
唔係過晒秋天, 仲有草生花 ?
嘩, 咁大片, 嫓美櫻花.
一於來花下照.
當自己去賞櫻.
細媽話唔去大欖, 行多段路去大欖.
媽咪, 見我嗎 ?
其實都可以行去掃管笏, 但行出路口都係車路呢, 都係由小欖走, 方便多.
今日都好滿足, 又唔太辛苦.
明天又有唔錯天氣, 但去東面又怕濕, 又去城門水塘又太多次了, 去邊好呢 ?
沒有留言:
張貼留言