150301城門水塘開心行

十歲零一日大的我, 起身時, 竟然陽光照耀, 藍天白雲, 望獅子山仲好清楚, 唔係昨日咁灰暗天, 當然唔去城門河, 要來城門水塘啦. 

但當車離開家園, 一駛進荔枝角附近, 厚雲又現, 天文台真準確, 講話部份時間有陽光咋, 仲要在我家頭頂呀.

好彩, 唔係太濕, 都預左沖涼, 一於行菠蘿霸自然教育徑去白千層林水塘邊.

樹蔭密, 地面仲係濕氣重.

唔驚, 教育徑好短, 上返石級到石屎路就唔怕.

都話石屎路係乾爽啦.

過左白千層下, 條路好多濕透枯葉呀.

到半閒亭, 本來媽咪想直接回程.

但我想落塘邊大草地呀.

媽咪, 落啦, 落啦, 剛才一班朋友仔都落左去跑.

唔係想像的濕漉漉.

等我同朋友仔打招呼先.

個個高我成個身, 但佢地都超友善.

婆婆同細媽見有人同狗地直接在我身後過對岸, 明明係河來呀.

可能佢地經呢條竹架橋過去, 婆婆同細媽錯覺呀.

唔知係咪大自然有神祕力量, 有成三十人在呢度企著靜修, 都係走.

回程時, 迎面行山人絡繹不絕.

時間真快, 來時, 碰到妹妹一家, 走時, 又遇見在沙田古道相識的 Ada姨姨及Alan叔叔, 行山真係易識朋友.

迎春花開, 春天來.

人家話春天氣溫令人厭悶.

唔覺喎, 我每星期都可以開心行, 只怕落雨咋.