2015年3月14日

150314東澳古道

上星期, 媽咪睇報紙提起東澳古道, 想起係差不多時間, 襯天氣唔錯, 來次長征.

今次係第七次行, 但上次由大澳, 都未到深屈村時, 掛起黃雨及雷暴警報, 雷聲隆隆及大雨下, 折返回大澳, 都可以唔當一次.


每次, 細媽都會抱我到寶珠潭先放我落地下.

今日又有大嶼山100公里越野長跑, 真巧合, 上年, 我地到大澳閒遊都遇到.

頭段山路, 路較窄, 我地會讓路比參賽者行先.

生果報話好多車輪梅及兩廣黃檀, 其實大部份都花期過.

我地上星期在西貢同大欖都見過晒喇.

昨日預告話間中有點陽光, 但我地竟然感覺有雨粉飄, 唔係咁邪卦.

媽咪背囊有遮, 有便利雨衣, 有晒準備.

到呢刻都無問題.

相信今次可以行足全程.


部份兩廣黃檀都結果.

快到深屈村.

小小蜥蜴曬太陽, 世途險惡, 小心.

有次來, 突然潮漲, 白浪湧來, 又大風, 嚇到我唔識笑.

開始石屎路, 落雨都唔怕.

婆婆, 上斜喇, 小心呀.

因為呢段上落斜生滿青苔, 落斜更要小心. 細媽行無隙位地時, 險些跣親, 轉頭即提醒婆婆唔好行果個位, 婆婆身旁有兩位姨姨叔叔, 都提佢唔好行路邊位, 行去中間位會乾爽些, 點知婆婆照行過去, 立即跣低, 屁股坐地, 嚇到佢地及大細媽目定口呆, 姨姨立刻扶起婆婆, 媽咪快快走去幫手, 叔叔猛話婆婆, 叫實佢唔好行, 係要照行, 婆婆竟話望落唔覺會滑, 真係激屎.

好彩婆婆無大礙咋, 但猛俾大細媽話佢唔聽話.

幸好絕大部份路都開揚, 否則都唔知點算.


又見奇異花, 要搵下資料先.

曾經, 沙螺灣在2013年11月封村, 當日封村的鐵閘仍在, 現在當然可以通過啦.

四周紫色醡漿草花.

為路程點綴了色彩.

見我燦爛笑容, 就知我享受行山樂.

沙螺灣村, 有一棵接近四百年大樟樹, 我第一次來時, 都有入村睇過, 但之後無去了.

雖然無入村, 但我地鍾意轉出濕地.

望住一大片綠, 心曠神怡.


咦, 天后廟同把港古廟外又翻新了, 坐椅由石屎變再生膠.

但舊碼頭仍在.


剛才廟行去廁所位小路, 有隻大金毛在屋內吠我, 嚇到我揖頭走, 幸好媽咪抱返我安撫, 但仲驚驚, 笑唔出.

第一次來時, 好似無咁茂盛呢.

高高蘆葦草, 希望呢片濕地可以不受未來大橋影響.

出返去, 就會離開沙螺灣村.

今日最長的長命斜.

乾爽呀, 快步都唔怕.

金針花嗎 ? 似呀.

往散石村, 都經過好多乾河流.

扭麻樹 ?


在攀藤樹下, 似迷宮, 細媽話似時光隧道.

過晒鱟殼灣, 到觀景亭.



又是不知名小花.

(石散)石村大爐頭, 12年年尾, 愛的抱抱, 由此起步.


不經不覺, 快到東涌灣的紅樹林.


過橋往侯王廟, 快完成行程.

逸東邨, 好快可以行去坐車回家. 今日拖慢行, 由 8: 55am 第一張相到車站, 足足慢活 7 小時, 破左以前紀錄......慢左好多呀.......

沒有留言:

張貼留言