140830初秋黃昏行

今早媽咪攬實我大覺瞓到十點, 佢起身都大把野做, 我就陪在佢身邊等細媽收工.

終於都等埋細媽整晒野, 我地又可以入來小瀝源行下.

嘩, 日落金光照在樹梢, 鬼咁靚.

媽咪話入秋後, 白日時間縮短, 今日17:45pm 起步, 都無乜曬喇.

氣溫無炎夏咁高, 多左朋友仔早出動, 有隻大金毛一直跟實我, 想同我玩.

Hi, 你爸B叫你返轉頭喎.

我地下次先再傾啦.

你兄弟走左, 你又跟來, 快快追返你爸B呀.

呢個位, 次次都好多朋友仔聚集呀.

但細媽話唔好留太耐, 否則益晒D蚊.

六點半, 太陽已經俾山擋了, 早幾星期時, 呢個時間, 仲要開遮擋陽光.

早晚都有涼風, 終於覺有秋意.

媽咪盤算緊, 幾時開始入秋初步行的第一次.

都要睇溫度, 鬼叫我成身 Mink 咩.

仲有, 要睇埋婆婆身體狀況, 當然絕對對佢有信心, 但龜速婆婆 hea 左成個夏季, 都要Train 下佢先得.

黑得好快.

又燈火通明, 都係夠時間食晚餐, 明天有約, 好緊張呀.