140824晨運在獅子會

近排周日去獅子會, 都係玩到差不多時間, 就去食午餐.

昨日媽咪提議, 不如好似去城河咁, 再早些出門, 行完先食早餐, 咁可以避開中午回家的猛烈陽光.

我地又係未夠六點就出發, 天是紫藍, 仍見橙色雲.

來到獅子會都未到六點半, 但天已變藍.

一到埗, 係感受到四周充滿濕潤空氣, 處處沾了露水.

一開波, 我又愛掘掘掘, 大細媽睇住我, 佢地不知幾開心.

陽光未升得高, 氣溫係廿五度, 無曬住, 跑得好暢快.

襯未處處陽光照耀, 我地唔好又搵涼亭瞓, 郁多D.

仲係金光照群山.

今日先發現,個冬瓜生到咁大個, 但俾麻繩縛到變米芝蓮.

呢朵花叫觀賞南瓜的花, 好膠樣.

未試過咁早來獅子會, 原來好多街坊都有晨運呀.

細媽突然大叫山上有頂大帽, 原來朵雲似足頂帽.

我左捐右捐草堆, 好快全身濕晒.

今日太陽曬來, 唔太炙熱, 或者仲係早啦.

感覺良好, 我地仲去左標本林, 行晒咁多條小徑.

都唔知點解, 行極都仲好早, 時間過得特別慢.

左 hea 右 hea, 夠鐘出發去食早餐.

我地行返去西貢市中心搵食, 但處處都多人, 內街茶餐廳都係咁, 今日揀左一間, 份量唔多, 又唔算好食, 媽咪都係愛沙角邨的大份又平又美味早餐, 凍飲超大杯, 佢話下次去返沙角邨食, 細媽話: 會唔會山長水遠左D 呀