140809 Morning Walk

今日又披星戴月起身, 出來是, 街燈仍亮, 我地又在等頭班車.

細媽曾經想更早出門, 但驚坐的士時, 唔識話俾司機聽係邊落, 媽咪話帝堡城呀, 佢又話行落起步位咁遠

起身見天上厚雲, 希望可以擋下晨曦一線.

噢, 咁大隻蛙, 佢點上石躉o架
細媽驚佢有危險, 今次係佢徒手拎佢回花槽.

星期四已入秋了, 早上氣溫似無早前咁高.

晨早 Morning Walk 日子, 唔知係咪快結束, 可以開始返我地行山活動呢.

陽光破雲而出, 都係快步離開瀝源河先.

城門河畔, 有高樓蔭, 今日仲有風吹來.

吹下風, 掘下泥.

爽呀

婆婆今日陪返我地晨運, 佢又係慢條斯理行.

我就唔同呢, 大踏步, 望落更精神爽利.

婆婆邊行邊做甩手操呀.

真係好多晨運客健步及跑步.

屈左咁多日, 今日行返夠, 真係暢快.

陽光又升高左, 對岸係對正陽光, 我地唔過去了, 回頭.

本來細媽想行遠些再返回頭, 但都行左兩個半鐘啦, 我想媽咪去食早餐, 咁我先有得黐食包包, 我識路去飯堂, 直接自己轉去隧道等佢地, 細媽局要投降

好野, 坐低飲碗水, 食片雞, 再等豬仔包