140816夏日宜晨運

本來今日唔會晨運, 事關細媽係長週, 大姨媽早排約左我地, 準備兩家夏日暢泳, 誰知大姨媽擺烏龍, 以為我地下午去佢地屋企, 佢自己又要返工, 大姨丈有賽事, 大表姐要幫補習, 二表姐要去中大 Ocamp, 細媽一早請左假, 反正假始終要放, 咪照舊晨運 lor.

今夏咁熱, 都係晨運好.

呢兩個月慣了早起身, 行完回家再瞓.

媽咪話回家多了好多時間做其他野.

今早厚雲走開, 天色好好, 但有陽光曬又幾燦眼.

都係有蔭位好D.

出到城門河, 嘩, 靚到不得了.

轉在河畔.

立秋了, 晨運時, 婆婆都唔怕行到成身汗.

我經過沙角邨隧道時, 本來過左去, 點知媽咪話仲未夠 8 點, 太早喎.

我今日又係全程笑晒口.

僅係....我諗緊行完去食早餐, 可以分到豬仔包.

 越想越開心.

快回頭, 快回頭.

9 點幾, 行左三個鐘, 陽光越來越猛烈, 係時候食埋早餐回家