140803馬鞍山至井頭村晨運

我地次次晨運都係去沙角邨食早餐, 細媽早排有新諗頭, 想搵個新地方食個舒服美味早餐.

今日我地又坐頭班車入來, 太陽升起唔太耐咋.

估到我去邊未
見到八仙嶺嗎

我地來左烏溪沙對出的心心石.

想唔到呢個石灘, 有咁多公公婆婆來游早泳.

我地沿上年同大姨媽行過沿海小徑及單車路, 行去泥涌.

今日試行, 睇下適唔適合當晨運新線.

如果 OK, 下次帶婆婆行.

呢隻貓公唔怕媽咪喎, 一定見慣世見.

我地行左一次咋, 大細媽都驚唔認得路.

我地認清方向, 大細媽齊齊有商量.

離開渡頭村, 會經過車路, 都係拖住行會安全多.

由耀沙路有條小徑, 可以接通落禾沙里.

迎海對出, 有呢個泥灘, 上次, 我地見好多人來掘蜆呀.

沿路走, 可以望到牛押山.

呢度有長長行人路, 係陽光多左D.

入西貢區.

幸好都有樹蔭, 細媽仲幫我灑水淋背部.

我地轉入年明路, 就搵到小徑行出去泥涌.

都係 8 點咋 , 今早陽光可以接受.

泥涌石灘外的石躉係必遊之地.

照完相要行, 因為我地要向下一站出發.

無沿海小徑, 我地要由西沙公路向西貢方向行.

原來呢個位都見馬鞍山呀.

到井頭村喇, 有路牌寫, 唔怕去錯位.

我地見噹得B媽食的奄列早餐好正, 一於行入去水井坑茶餐廳, 因只得車路, 我咪上返私家車o羅.

好彩早到, 仲有大把位, 侍應姐姐安排我地住室外門口位, 冷氣直接由室內吹出, 好體貼.

睇下份早餐幾大份, 厚多士烘得香脆
我地仲叫埋迪蘇媽出來食早餐, 接住僅有節目啦.

係乜, 咪係探貓貓 lor.

雖然有成廿多隻貓咪加迪蘇及大細妹, 但貓咪性格多數怕羞, 都係七至八隻咁出來.
大細妹好耐無見, 佢兩唔認得媽咪呀.

想唔到, 烏嘴最親人, 一路磨媽咪腳扭摸摸鍚鍚.

小咪堅持在爐頂.

大寶都有八卦在房望出來, 媽咪知佢驚, 遠遠望佢算.

成班細路好興奮, 原來......

夠鐘開飯, 剛才無出來的都走出來.

我地坐耐在, 有些貓咪都習慣我地存在.
最唔怕羞咪係烏嘴, 細媽好易抱起佢, 但我都唔鍾意貓, 我唔望.