140804續牌仔

早排食晒一個月藥, 今日又戰戰競競地去見羅醫生, 究竟可唔可過關呢 ?

唔知係咪緊張, 昨日晨運到上床瞓覺, 都無大便, 仲要食左咁多野, 一定好重.....

咦, 竟然同上次樣, 又係 5.7kgs, 仲以為會重左.

羅醫生都話驗下血, 先打瘋犬症疫苗, 安全至上.
驗血結果, 血小板比上次高左少少, 仍係偏低, PCT(Procalcitonin 前降鈣素原)貼回水平, 原來 PCT係敗血病誘因一環.

驗血結果, 可以幫我續返牌仔, 唔駛做黑市居民, 但醫生建議再驗多次Babesia Genus, 就算再驗到, 亦唔駛食藥, 只係知病毒唔肯走, 只要多留意我身體狀況就得.

腎指數仍偏高, 媽咪話要諗辨法令我飲多水先得.

醫生仲建議驗尿, 媽咪同我返屋企, 等我痾尿尿.

我今早飲左好少水, 出門前又去過廁所, 等左好耐先收集到足夠份量, 於是又要撲多轉.

唔知兩個報告結果點呢