140823晨運身體好

我地又係咁早起身落樓, 天仲係泛紅, 真係漸接近秋天.

半夜已經無咁熱, 但仍未係行山合適日子, 晨運都唔錯吖.

大細媽同婆婆起步都滿額汗.

太陽比早前遲開工, 升起位置都偏位了.

河邊躉位的陰影, 剛好唔會令我曬熱.

好輕鬆又行到城河畔.

勤步操.

爽快步.

婆婆加埋甩手操.

全家身體會更好.

噢, 太陽又高左, 曬曬.

快步去樹蔭底下先.

8點咋, 細媽話仲早, 今日回頭行遠D.

華南附近有反氣旋, 天晴下, 天更藍, 雲更白.

我地回頭行到差不多再折返.

僅係, 我都肚餓, 帶佢地去食早餐先.

我飲完水, 食埋雞, 等埋大人食飽, 我又返屋企大眠喇.