140831學前水聚樂在白腊

明明到左西貢, 何解仲唔去玩?
哦, 原來約左大姨媽同二個表姊, 大姨丈又要教班, 又來唔到.

又可以同表姊玩, 我見佢地已經好興奮, 即鍚錫佢地臉.

天氣幾好.

140830初秋黃昏行

今早媽咪攬實我大覺瞓到十點, 佢起身都大把野做, 我就陪在佢身邊等細媽收工.

終於都等埋細媽整晒野, 我地又可以入來小瀝源行下.

嘩, 日落金光照在樹梢, 鬼咁靚.

140824晨運在獅子會

近排周日去獅子會, 都係玩到差不多時間, 就去食午餐.

昨日媽咪提議, 不如好似去城河咁, 再早些出門, 行完先食早餐, 咁可以避開中午回家的猛烈陽光.

我地又係未夠六點就出發, 天是紫藍, 仍見橙色雲.

140823晨運身體好

我地又係咁早起身落樓, 天仲係泛紅, 真係漸接近秋天.

半夜已經無咁熱, 但仍未係行山合適日子, 晨運都唔錯吖.

140817亭一停

已經 8 月中, 暑假過了大半, 都仲係咁熱, 媽咪本來想晨運行下上窰, 但諗諗下, 驚早起步, 剛升起的陽光, 都可能曬屎我, 都係打退堂鼓.

來返獅子會咪好o羅.

140816夏日宜晨運

本來今日唔會晨運, 事關細媽係長週, 大姨媽早排約左我地, 準備兩家夏日暢泳, 誰知大姨媽擺烏龍, 以為我地下午去佢地屋企, 佢自己又要返工, 大姨丈有賽事, 大表姐要幫補習, 二表姐要去中大 Ocamp, 細媽一早請左假, 反正假始終要放, 咪照舊晨運 lor.

今夏咁熱, 都係晨運好.

你話我是誰 ?

媽咪 : 咦, 點解得返個頭, 連耳仔都無埋 ?

剛剛過七月十四咋, 咁驚 @.@

洛B : 媽咪, 你連個仔都唔認得, 咁你話我係邊個先

140810獅餐樂

入秋後, 真係會有陣陣風, 但今日下午都會熱, 我地早出動, 早回家.

唔明今夏咁熱呀, 好彩我唔介意今夏得A餐或B餐, 唔係, 係獅餐

140809 Morning Walk

今日又披星戴月起身, 出來是, 街燈仍亮, 我地又在等頭班車.

細媽曾經想更早出門, 但驚坐的士時, 唔識話俾司機聽係邊落, 媽咪話帝堡城呀, 佢又話行落起步位咁遠

140802-05婆婆沖繩四天之旅

婆婆沖繩四天之旅, 全程有肥舅父一家 whatsapp 直擊報導.

今日結束, 婆婆帶著開心心情回家.

第一日四點起身, 在飛機都無攰樣.

唔知佢地行程呀, 但第一日就有機會睇海洋生物.

140804報告出

今早打針又抽血, 臨黃昏又拎尿尿去診所, 大細媽都好緊張知結果.

終於, 晚上 9點幾, 護士姐姐打來, 話今次驗唔到有, 即是食藥有效啦.

至於尿尿呢......
無血, 無膽紅素 (Bilirubin), Urobilinogen(尿後膽色素原)正常, 無糖尿 (Ketone), Nitrite係neg即無泌尿道細菌性感染, 無白血球, 無晶體, 尿比重 OK, 但有些蛋白尿.

整體唔太大問題, 但要我多飲水呀

140804續牌仔

早排食晒一個月藥, 今日又戰戰競競地去見羅醫生, 究竟可唔可過關呢 ?

唔知係咪緊張, 昨日晨運到上床瞓覺, 都無大便, 仲要食左咁多野, 一定好重.....

咦, 竟然同上次樣, 又係 5.7kgs, 仲以為會重左.

140803馬鞍山至井頭村晨運

我地次次晨運都係去沙角邨食早餐, 細媽早排有新諗頭, 想搵個新地方食個舒服美味早餐.

今日我地又坐頭班車入來, 太陽升起唔太耐咋.

估到我去邊未
見到八仙嶺嗎

140802三母子夜遊

嘩, 今日熱到不得了, 我地住果區, 今日最高 35.1度, 我地過左 5 點後先敢出門.

婆婆去旅行, 我地今日三母子出動夜遊, 改由大圍出發.

140802婆婆七十五壽晨

今日係婆婆七十五歲農曆生日.

昨晚, 大細媽預早同婆婆出街食西餐慶祝.

婆婆只係開始食麵包, 已經鬼屎咁開心.

僅係, 接住仲有特別慶祝呀.