2014年7月31日

140729電波少年

媽咪 : 今晚真驚險 =.=

細媽收工返來屋企大堂, 見有一雙男女用繩拖住一隻好似洛洛的狗, 佢地準備將狗狗绑在樓下管理處, 細媽望真些, 原來真係洛洛呀, 佢即時撲去抱起洛洛。

原來好心哥哥姐姐見洛洛在十五樓升降機及佢地家門外徘徊, 估計係同一座樓住戶所養, 於是用繩綁在洛洛胸位, 拖往樓下管理處, 管理員姨姨認得洛洛住廿二樓, 所以佢地打算綁洛洛在大堂管理處, 等主人來認領。

剛好細媽就在此時返到, 即時抱返起洛洛, 仲感謝人家幫忙。當佢同洛洛等升降機時, 我又剛好返到大堂, 仲以往洛洛有事, 細媽臨時帶佢去睇醫生, 又驚我公司多野做, 唔打電話騷擾私工作添。

當離開升降機, 我抱住洛洛遠離家門口, 細媽扮作平時咁, 返屋企叫洛洛, 仲問婆婆, 洛洛去左邊, 婆婆話剛剛先發現洛洛唔見左, 竟然自己周屋搵, 都唔打電話通知我地。

細問下, 原來佢早上打開左後樓梯太平門, 臨晚, 想出去收野, 佢係剛剛開門出去, 又無關屋企鐵閘, 做完野便接住順手關返太平門, 洛洛應在婆婆做野時, 八卦遛出屋企, 仲經太平門出左去, 而婆婆無為意。

我估洛洛是由後樓梯行落左去八, 回頭見太平門關左, 佢唔識分層數, 一路落, 十五樓剛好開左太平門, 佢就去人家門搵家, 以為係屋企, 見又無人開門, 又唔太似樣, 於是走去升降機搵, 此時遇上好心人。

今次電波少年真好彩, 已經吩咐婆婆, 下次出門, 務必關門, 唔希望再有下次呀 !

2 則留言:

  1. 洛洛做咩咁曳呀,想嚇屎婆婆、大細媽咩,下次唔好喇,就算開咗門都要乖乖地留係屋企呀

    回覆刪除
  2. 真係嚇死呀 >_< 好彩搵得返咋...嗚....嗚.....

    回覆刪除