140720乾濕洛在獅子會

半夜又聽到雨聲, 仲以為昨晚落到晨早都唔停.

又估唔到細媽六點起身望下, 又停雨喎.

媽咪話我去玩實變濕湯洛, 都唔介意我玩成點樣.

今日見到好多蝸牛, 其中一種, 背部得一片殼, 上網搵, 原來叫馬丁鱉甲蝸牛, 外觀似蛞蝓, 但背上有一個如指甲狀的薄殼, 又稱半蛞蝓.

剛起步, 我當然仲可以保持乾爽靚仔樣.

之但係.....有水踏....

有泥掘.... 大細媽都無眼睇我

葡萄成熟時.

我熟晒獅子會, 都係自己帶頭做領隊.

炎夏, 真係無地方對我合適, 真係太熱, 行山唔得, 彭福又曬又多狗, 去大浪西灣玩水又塌泥唔行得, 去游泳池又唔鍾意.

好彩獅子會咋.

雖然你地見我成日, 但你睇我幾開心.

又有媽咪同婆婆愛的花花.

媽咪 : 但你今日在濕草打斛斗呢, 全身濕晒, 好核突呀

濕左先似馬騮精呀

俾大細媽投訴, 我惟有快快諗辦法乾返毛毛先.

走快D, 毛會快乾卦.

走幾走, 攰屎我, 我今朝好早起身o架.

都係入袋瞓陣先

細媽 : 入袋焗傻啦, 出來, 等侍女幫你扇下風.

太子洛, 係咪好舒服呢.

好嘆呀.

不經不覺就入夢鄉.

突然有兩隻大唐狗來打招呼, 搞到我成個生猛晒.

精神返, 仲乾身返, 唔覺污糟

其實可唔可以入去嘆冷氣呀.....
o下, 乜無室內冷氣咩

今年荔枝豐收, 連獅子會內的荔枝樹都結成果, 大蜂搶食荔枝添.

本來, 我地在另一個涼亭又瞓左好耐, 細媽話五臟廟打鼓.

咪行多陣就走lor.

烈日當空, 我都唔想行了.

細媽, 快打開袋, 我要上車呀.

又到安東尼餐廳, 我飲完水, 食完雞, 體力同水份都補充返後, 又慢慢失去知覺