140727頻密驟雨下

又成晚聽到雨聲, 細媽見5 點都仲有雨, 都無起身.

後來見雨停, 問我想唔想出去, 去獅子會掘泥定行返城河, 當我地仲梳洗時, 又驟雨, 咁行城河, 起碼有橋底避雨, 安全多.

我好開心, 以為有雨就唔出街, 但媽咪就失望多, 因為佢又要咁早爬起身

都未出城河口, 全身濕晒.

呵呵, 細媽唔介意, 因為返屋企, 媽咪會同我洗返香噴噴

唔知今日會唔會行完先再落呢

轉個頭, 又大驟雨來, 當時我同媽咪等細媽及婆婆去廁所, 媽咪都無拎住雨遮, 一見雨就發呆及拙起我, 想搵有蓋地方, 但都係唔見, 惟有放低我, 立即拎雨遮再挽我, 我已經淋濕左少少, 最後我地全家跑到最近橋底避雨.

雨後又見少少藍在厚雲現出, 仲有無雨呢?

我濕晒身, 笑唔出了.

剛又灑陣驟雨, 轉頭陽光又現身.

頭頂係藍天, 細媽仲話咁耐都無見彩虹.

媽咪遠遠望, 咦.......


真係見彩虹呀.

媽咪 : 唔只在山中見彩虹, 樹叢見呀

細媽 : 係黃家洛捐左入去咋.

我唔去獅子會, 都有辦法掘泥

而且我身手敏捷, 唔駛擔心我.

我玩夠, 行喇.

今日遲左半個鐘出來, 起步到呢度, 大細驟雨都有幾次, 有些係遠遠望住走, 無吹來我地頭上.

同陽光驟雨玩遊戲, 玩多都悶, 而且成日聽到雷聲, 都係食埋早餐, 早些返屋企安全D.