140506微雨佛誕在城河

佛誕係咪例牌落雨呀 ?

本來打算早出早回, 點知起身仲係雨紛紛, 大細媽惟有食完早餐, 又同我大覺瞓.

細媽瞓到十點半, 見停雨又地乾, 婆婆又想出去行下, 一於又入小瀝源, 爭取一分一秒.

我剛在星期日先沖完涼, 媽咪驚行行下落雨, 怕我濕身凍同又要沖涼, 幫我著定雨褸, 落雨最多只需洗腳仔同肚仔.

今日持 20度左右, 有件雨褸, 擋埋風, 剛剛好.

地面乾晒, 起步喇.

熱身後, 暖暖地, 我笑得出來.

出到城門河畔, 細媽話見河面有一隻隻鴨仔游水.

原來係一群候鳥呀.

有位伯伯講, 近呢幾年呢段時間, 都有侯鳥飛來暫留.

但一年比一年數量少了.

今日遲左出門.

我地直接行去沙角村食飯先.

今日行人少左.

係咪去晒長洲睇飄色同搶包山.

人少, 無人同我爭路.

細媽大叫肚餓, 行快D先.

噢, 食完飯, 竟然有微雨, 媽咪話繼續行, 大雨先算, 於是細媽幫我戴返雨帽.

今日頂帽好穩, 唔怕濕頭髮.

微微雨, 無損我享受健步雅致.

無雨喇.

細媽話星期六日可能要在家發霉, 一於行多陣, 去埋划艇會打咭先.

每次見呢些花了哥, 好驚佢又突擊檢查我呀.

天暗左.

雨點大了.

都係中止往划艇會, 早些行去大圍回家.

途中見到隻蜥蝪傻呆呆企在河邊.

睇佢身上濕枯草, 似係剛游水上岸, 全身應該好凍, 等體溫回升中, 唔知係在何處走來.

媽咪欲幫無從, 惟有等佢自己聽天由命, 蜥蝪仔, 小心呀.

地都濕了, 好彩唔係太密雨, 而且大細媽明天都要返工, 早回家, 仲要花時間洗腳梳毛呢.