140510最佳之選- 城門河畔

昨晚細媽同我講話今日要返工, 我清早又聞唔到新鮮出爐麵包味, 知細媽昨晚無預整麵包, 都無叫佢起身收麵包.

佢起身, 就叫我過媽咪房再瞓.

點知8 點半, 佢敲門叫醒我地. 

原來, 天文台預告今日有大雨, 佢地預左今日在家, 驚我以為有街去, 晨早morning call 佢地, 先呃我話返工呀.

又估唔到未有大雨, 仲出太陽, 本來細媽打算在屋企附近天橋行下, 媽咪唔想我用拖繩無自由, 堅持都係乒返來沙田.

反正都係行短程, 唔駛拖繩在市區行, 僅係開心好快, 我唔介意又來沙田城門河畔呀.

落車到小瀝源谷, 都有一刻以為決定錯誤, 因為雲層低, 有些雨粉, 行左一陣, 出返太陽.

細媽話忘記左換帽, 要戴返佛誕當日戴果頂, 咪隨手在地上拾起一束簕杜鵑花, 插在我頭上, 好彩唔係插牛糞上咋


但束花係咪大束左D呢

心情靚爆鏡, 我叫婆婆多多享受下, 因為聽日母親節, 可能會在家發霉.

噢, 有些些微雨, 都係著返件雨褸先.

落一陣又停雨, 今日算熱呀, 著住雨褸都驚焗親.

媽咪話唔太大雨, 我又無問題的話, 返家最多剩淋暖水沖全身.

嘩, 既然都預左淋全身清潔, 我當然唔好蝕, 行埋花槽八下.

天又黑左, 細媽話襯未落出大雨, 行多陣, 去埋沙燕橋先回頭去食飯.

點知行無耐, 雨密了, 我最唔鍾意大雨, 局住上私家車.

一上車, 又漸漸停雨, 我地又回頭返去沙燕橋.

但雨又密返, 轉頭又停, 跟住又密返, 玩屎我地, 最後決定去食飯先再打算.

預早的母親節大餐, 我地又係簡單去大排檔, 有飯食, 食得已是福.

飯後, 雨又細了, 一於再繼續兜多陣先.

嘩, 泥未太濕, 跑陣先.

雲層又低返.

趕快步, 希望夠時間行到划艇會先回頭.

媽咪用手機睇下天文台, 原來有一雷雨帶, 正由西邊慢慢移來香港, 媽咪怕會淋親全家, 決定提早行去大圍坐車回家.

落雨天, 單車店生意冷清, 細媽都話搵日試下鳩部家庭車玩下.
搵日, 咪即係在街上見到朋友, 話搵日約出來食飯咁, 唔知幾時o羅