2014年5月18日

140518大浪西試水禮

立夏快兩星期, 又唔可以行山, 成日行城門河又似乎無悶左D, 大細媽見今日應該唔會有太多雨, 一於去大浪西快兜一圈, 視察下幾時適合游水先.
當我地往西貢途中, 出了雷暴警告, 唔怕卦.

由西灣亭起步無耐, 原來有山泥傾瀉, 媽咪抱起我, 我地小心翼翼在旁邊的爛泥槳經過, 泥濘好滑, 好跣呀.


好彩有媽咪, 否則我就可能俾泥漿漿實腳仔.

又有另一個傾瀉位, 水泥都見有鬆散, 媽咪再抱我, 回頭再睇實婆婆過.

安全過晒兩個塌泥位, 在山峽小河轉彎位, 都有一個已清理的塌泥位, 全家鞋子都沾染黃泥漿, 幸好路旁有水源洗腳, 但一定要用手先擦甩.

落左咁耐雨, 水塘都未一半滿.

連有水泥護土牆都找抵唔住雨水呀.

由吹筒坳落沙灘, 唔知仲有無山泥傾瀉呢.

細媽發現有隻招潮蟹搵到條已死蚯蚓, 佢識將蚯蚓一分為二, 又幾聰明喎.

到大浪西灣, 見兩間茶座都將早前圍封的鐵絲網移走, 相信政府都放寬返, 俾佢地繼續營業維生.

噢, 海岸線變晒, 右邊本來可以澗水過去岩壁的廢碼頭, 竟然變成海.

海沙不見了.

咁情景, 相信海浪一定好大, 刮走好多海沙.

細媽試過想行出少少, 一踏出一兩步, 水位好深, 沙灘又多枯枝, 唔適合我地玩水同跑沙灘, 惟有轉去副灘睇下.

遠遠蚺蛇尖.

拉近睇, 好多山泥塌下, 好危險.

到副灘, 沙灘面積夠廣闊, 但枯枝都唔少.

行埋去四疊潭河口位, 竟然又係變成海, 以前退水時, 可以直接行上小徑上山, 今日已成大海, 一定要過橋過對岸.

浪唔算大, 試下水先.

嘩, 前面一望好深.

早排應該大雨到, 山水急速湧下, 沖走海沙.

細媽話要拎水泡先可以出去, 惟有跑沙灘邊啦.

想試行出少少, 都係唔敢.

無游水, 一於玩掘沙都興奮.

細媽又有新發現, 剛脫殼的軟皮蟹.

真係好開心呀.


跑左幾轉, 休息下, 否則驚中暑.

又跑過.

正呀......, 但今日天氣唔太穩定, 大細媽驚無乜的士入西灣亭, 都係要回程, 趕搭十二點班村巴.

媽咪話好憎D人活動後唔清埋, 又有喇, 仲要係學校搞, 教不善, 師之過.

今日無正式游水, 唔駛沖水卦.

點知我一到水霸位就撲入, 自投籮網, 原來細媽預左同我在水霸沖身, 要沖走海水同海沙呀.

遠處見蚺蛇尖一帶有雨, 唔好落呀.

回程時, 又係一陣一陣微雨灑, 好彩無勁太陽.

我地途中遇到屋企樓下單位婆婆同埋佢家姊及姊夫, 準備行去北潭坳再坐車回家, 三位老人家一齊行山, 咁似我地o既

當我地上村巴時, 雷暴警告順延至下午兩點, 希望無影響三位老人家.
回到家中, 又突來大驟雨, 真擔心佢地淋濕身.

媽咪上漁護署網頁查路徑維持通告, 原來 16/5 已經出告示 : "受山泥傾瀉影響,大浪灣遠足徑(西灣亭至吹筒坳)由即日起需要臨時封閉,直至另行通知。遊客請使用其他路徑。不便之處,敬請原諒。", 唔知幾時先維修好, 咁暑假, 我地去唔去大浪西玩水好呢


沒有留言:

張貼留言