140504四色雨在塔門

雖然有雨, 但我地照出動, 因為約左朋友仔, 又唔係狂風雷雨, 唔太影響.

原本大家打算在黃石等拉搭 9:30am 班船, 媽咪同二位姨姨昨日用 whatsapp再約實, 佢同另一個姨姨都認為改坐 8:30am, 我地傻傻下早入來, 點知齊齊誤會, 其實係坐返 9:30am 
好彩我地早入, 碼頭外私家車位泊滿晒, 叫姨姨改泊北潭涌, 唔好搏食牛肉乾.



齊人齊狗, 按原來搭9:30am 船入塔門.

好心急, 出邊仲有微微細雨呀, 究竟上岸情況點呢...
點都好, 上岸後, 大人先醫肚, 食馳名海膽三文治, 巧巧味.

今日純粹入來行下, 細雨下, 應該幾爽, 有雨咪著雨衣 law.

我痾一篤o者, 咁快走晒.

唔得, 追返佢地先.

途中, 婆婆由山上大叫追落來, 原來蘇菲迷失方向, 以為媽咪仲未上來, 婆婆阿崩叫狗, 追到氣咳, 好彩婆婆身手敏捷無滑倒, 大細媽咪輪流抱蘇菲去涼亭.

到大草地, 迪奇, 蘇菲同得B等緊我.

齊晒.

集齊四色雨.......

出發........

食正東風, 大人都著返雨衣, 擔遮會論盡.

好大風, 但唔凍, 好好玩....

婆婆齊晒裝備, 行得鬼死咁開心.

我地無踏七色彩虹, 但幻化成四色雨, 踏遍塔門.

媽咪叫我企定, 疊石遠距離影張合照.

然後趕返大隊.

浩浩蕩蕩又行回碼頭附近.

因為大人又話要開餐, 五人點左四味, 最後再來一碟鮮魷炒河, 個個都滿足呀.