140524濕熱在獅子會

晨早起身都有雷暴同大雨, 好彩係霎眼就走.

呢D日子, 又熱又雨,  又暫時唔可以去大浪西灣玩水, 昨日上午行半日城門河畔都熱, 咪揀今日來獅子會 hea 啦.

西貢清晨都有雨, 地面仲好濕.

濕地咪唔怕挖到沙塵飛揚o羅

頭頂係厚雲, 中間穿左個大藍天.

9 點幾已經好曬.

做下鬆筋先.

細媽 : 叫住你仲跳落水坑, 係咪想激屎媽咪, 飲到唔乾淨水, 肚痛唔準喊

又見阿黃.

天氣熱, 但龜龜唔怕, 出來曬太陽.

又有細媽至怕毛蟲出沒.

上次荷花池出葉了, 唔知今日生成點呢.

我見其他花都開, 咁荷花開未呢 ?

估唔到全個荷花池荷葉未張滿, 已經有零星幾朵花開了.

媽咪 : 黃家洛, 你係咪想激到大細媽嘔血先安樂

浸完腳仔, 有風吹來, 涼爽爽.

鳳尾松.

我地最愛行標本林, 但只限上幾層, 最低一層係唔會行, 因為超多蚊.

參天大樹下, 媽咪好鍾意在樹下幫我影相.

在涼亭跑多陣, 因為太熱, 全家想早些返家.

天色係靚, 可惜接近三十度, 唔可以留在戶外太長時間.

玩左將近三個鐘, 係時候回市中心食飯後, 速速回家休息.