飯前飯後

媽咪成日都驚我超重, 屋企又無電子磅喎!!
咁佢地就諗到用量度腰圍來做體重嘅標準喇.

最近佢地覺得我好墜手, 咪又度下腰囉.
點知一度就嚇死佢地, 成36cm呀, 細媽即時行動, 減少晚餐嘅碳水化合物.

過左幾日嘅夜晚, 大媽又度腰, 唉!! 都係無乜進展.

細媽唔忿氣, 朝早幫我梳毛時, 又度下啦, 竟然係33cm,重影埋相俾大媽添.

點知夜晚, 大媽幫我梳毛, 又度腰, 都重係36cm, 點解呀!

於是第日細媽提議飯前度下先啦, 真係得32.5cm, 飯後再度, 又變返35.5cm, 終於真相大白喇, 不過佢地真係好傻, 食飽飯,  個肚就緊係脹D啦!