131124深井清快塘一圈行

昨晚細媽開出 Do Re Me三個地方揀, 最後拍板入深井.

今日又係想輕鬆D, 深井村起步, 上清快塘村, 轉一圈走.

天文台話稍後有幾陣雨, 但今早天氣悶熱, 同昨日在西貢真有天壤之別.

上次來時, 喜香農莊的蓮花過時了, 全枯榭, 但今日又開始慢慢盛開.

因為白宮兩狗狗, 細媽唔想打擾佢地, 好多次都係路過, 今日見花開, 入莊內參觀, 當然媽咪又順便飲罐凍飲啦

據報香港冬季氣溫, 平均會有16 度, 天氣和暖, 楓香好大可能未變全紅或橙色就掉落.

喜香莊主自行種植的楓香, 其中有一棵變紅了.

預早睇左先算.

預左輕鬆行, 唔多走其他路兜圈, 直接向青龍頭方向走.

四處高慫大樹, 在樹下穿梭, 唔太熱, 加上有藍天, 又藍又綠

我唔想站在太陽下呀, 半蔭都勉強可以


樹梢間, 都有耶穌光呀.

趕入冬, 螞蟻忙備糧.

閒暇行, 唔好太粗勞, 要留力, 睇實天氣, 希望下星期有心有力

來到呢度, 我想起大細妹好耐未來過, 唔知細媽幾時肯帶佢地出來

生態園仍好多蝴蝶.

但亦有些已經到生命盡頭了.

落山, 衝呀, 費時又餓親三個女子

到深井儲水池, 路盡頭的幾棵楓香仍舊偏綠, 究竟會唔會變紅呢, 遲些就知

好好運, 玩左大半日, 返來沖完涼, 17:25pm就發起雷暴警告, 以為唔太大雨, 想唔到我地住處有成 10毫米雨量呀