131102針山鉛礦坳

原來媽咪安排的計劃A, 因羅莎來訪, 怕驟雨降臨我地頭上, 於是改計劃B.

B計劃係打算行由城門水塘畔塘徑起步, 行去鉛礦坳

當打算打咭後起步, 後邊有大軍殺到

馬騮步隊操來, 細媽要抱我行過水霸

突然見有面善的人跑來, 原來係二表姊練長跑

今早來時, 見好多學生來操練, 都估有無可能遇到二表姊呢, 點知又係咁巧合
上年二表姊拎左葵青校際越野賽冠軍, 今年係佢最後一年參與, 希望佢能再接再厲, 咁就完美

媽咪起身時, 見電視天氣預告係密雲, 又有風, 於是提議改計劃C上針山, 細媽見無乜太陽, 婆婆又無異議, 一於又改行程

婆婆, 唔急, 我地慢慢上, 但唔好 Hea

起步無耐, 好陽光又藍天, 乜咁好陽光呀

都上左來, 唔通行返轉頭咩

全家行到成身汗

嘩, 好曬呀, 大家要多飲水補充

婆婆, 加油, 就快到頂

嗱, 見針山喇, 係咪好快到呢

又近D

當越接近山頂, 風越來越大, 起初細媽都仲可以開遮擋陽光, 最後局住收遮

抵達針山, 都係 532 米, 唔係好高


但站在四處無擋位置, 勁風吹, 剛才熱氣全消

企高高, 婆婆唔夠我高


站在針山, 遙望大帽山, 想唔到今日無密雲蓋山頂喎

大帽山, 等我地

大風吹, 唔停太耐了.....

嘩, 帽都吹甩呀

我唔等媽咪同婆婆, 同細媽快步落山先

遠遠草山, 仲未定上唔上, 一陣先作決定

初初以為陰天先上針山, 無想到上山會咁熱, 雖然媽咪已經拎多一樽水, 但佢自己一樽都飲左一半, 弱兵媽咪覺得今日體能差了點.

下半段行程, 見步行步啦

哈哈, 前兩年都成日行去沙田排頭村, 但11年10月30日同利小姐第一次出街行去沙田經晨運勝地時, 有幾多流浪陀地撲出來, 自始, 我地都無再行呢段了

當到M132上草山交接位, 媽咪怕繼續向前上斜往草山去鉛礦坳, 怕唔夠水飲, 又怕體力不足又抽筋, 細媽話向下行啦

當落到畔塘徑, 我地大休午餐, 再考慮向左定右去菠蘿霸, 最後向鉛礦坳方向行, 到分岔位再決定下節行程

今日半閒亭的大草地, 無馬騮來覓食, 安心影相

水塘滿溢, 水浸白千層美景浮現眼前

左定右好呢

因為落山時, 已經由晴變陰天, 有風, 天氣涼返, 無乜汗, 唔駛狂飲水, 媽咪計過夠力氣同水去鉛礦坳, 細媽仲問媽咪係咪o架, 唔好中途暈低喎

行去鉛礦坳, 都係微斜上坡車路, 無難度

其實如果我地上草山再落去鉛礦坳, 路程短好多, 但上落坡度大, 媽咪自己唔敢搏, 等下次體力足先行過

最快離開係行去大埔碗窰

鬼馬婆婆似乎無攰, 仲識扮楂手槍

婆婆, 呢段下坡路, 大石級呀, 睇實一步步呀

紅葉未滿山, 但紅果現

我仲識笑o架

但今日又上又落大石級, 以我細小體型, 精力有點透支, 未到車路已經好攰, 幸好有私家車咋, 一 call 即到
當我地落晒石級, 一抵車路, 發覺開始有微雨, 細媽見有空載綠的士由打鐵刃駛來, 媽咪都無時間幫我影打咭, 全家立即飛上的士走人, 好好運呀
當我地轉車回家途中, 在大埔下細雨, 謝謝天公造美