131109大東北風下逆行全走麥八

我地雖然都曾經上過大帽山, 但每次都係分開斬份連其他路線, 婆婆也未試過落鉛礦坳一段, 就安排今日行晒全段麥理浩徑第八段啦, 但方便回家, 我地選擇逆行.

起步位就係約海拔 400米的荃錦公路荃錦坳荃錦管理站對面 (M156).

行上一小段, 有個好靚公廁, 懶人大細媽同婆婆僅係幫襯下先起步

今日有個大整蠱, 就係漏帶我D雞肉乾, 起步就係不斷上石級, 我都未食早餐, 都唔知捱唔挫足全程

天公造美, 昨日仲好大煙霞, 今日大東北季候風下, 煙霞似吹走晒

仲有, 我地期待滿山芒草, 今日都應該睇到

沿路好多小花, 呢種粉紅小花係靚, 但果實有刺呀, 一碰就黐實毛毛, 有排搞

大帽山仲有少少雲霧, 唔知上到去會點

婆婆, 唔好急, 我地預左 6 個鐘行全段, 小心步伐就得

最辛苦都係頭 1.5 公里, 因為要一路上石級, 所以今日帶埋手杖俾婆婆, 等婆婆方便攀高低級


回望山下, 婆婆話辛苦都值得

上高點, 山頂圓波波更清楚

抵M153, 行左 1.5 公里咋.

婆婆, 有車同單車上落, 小心橫過馬路, 我會等你

到小石屋下, 有個臨時廁所, 又係我地必定停留 check point

到閘口位, 行左兩公里左右, 打後唔太辛苦了

M152, 四周山頭都係不同品種芒草, 好滿足

漁農署用新彈弓綱線圍樹, 比以前用鐵線先進好多, 唔怕樹幹長大變粗而拑緊.

一步一步上, 開始感受東北季候風威力.

海拔越高, 風勢越大, 但對我就好舒服

同風搏鬥中......

第一次見的紫花, 好特別.

途中, 見一大片淡紫芒草, 芒草圍繞, 好像幸福包圍我一樣

其實, 在現場, 更能感覺芒草風揚的壯觀

無名花.

婆婆, 捉緊頂太陽帽呀....

就快到大帽山最高位

到 M148附近啦

由山頂往下行, 由大空曠, 風吹到呢

媽咪見呢個位, 可以望到往四方山一段, 但我地行上呢舊石影相時, 係逆風行, 好艱難先企到上石

呢個位就順風, 但我又無食早餐, 諗緊點算好

當我影完相, 有隻牛牛在我身後企起, 似乎我地騷擾佢午睡

到四方山啦, 媽咪準備在此大休食午餐, 但無我份呀
好彩有班哥哥姐姐都大休中, 我聞到陣陣香味, 我行埋去, 哥哥話佢地無肉可以俾我食, 但一位姐姐拎住個餐盒, 食緊紅蘿蔔同薯仔, 我知香味就係薯仔呀, 企起身問姐姐討食, 姐姐俾少少我
嘩, 好好味, 姐姐見我鍾意食, 將剩餘一大舊薯仔, 分細餵我, 我食晒一大舊, 好滿足, 但媽咪就話唔好意思, 話我醜怪呀
好彩我遇到姐姐咋, 否則一定餓暈在山頭

向鉛礦坳前進, 婆婆第一次行呀

今次無上次咁藍天, 但就多了芒草

俾婆婆頂帽都知風多大.....

媽咪一手扶實我, 一手捉實頂帽

呢段真係好靚,幸好今日有雲擋下, 但紫外線仍強烈.

婆婆話要托石呀

你地睇, 全山頭幾靚

只係大風左D.....

欣賞完大自然美景, 我地要落山喇

落山一段, 大石嶙峋.

我地都係行一段, 停一停, 等婆婆慢慢落.

終於在預計的 6 小時內, 行足全段

婆婆過好滿意, 仲有, 係睇到咁靚芒草世界

以我小身軀, 又上落大石級, 加上無雞湯到肚, 已經攰透, 細媽怕我過累, 準備抱我行1.5公里去 元敦下.

咁抱下, 行下, 我都可以.

但都係頂唔到, 細媽怕媽咪又頂唔緊, 全責揹起我行, 你話細媽係咪幾錫我地呢

細媽話無打算再揹我呢舊大米行去碗窰, 到元敦下就留係度等的士或小巴, 當媽咪幫我打完咭影完相, 剛入好袋內, 又剛剛好有小巴駛來, 婆婆又剛落到來, 又係咁好彩, Good Luck