130901烏溪沙至泥涌看心心

昨日媽咪同大姨媽傾傾下, 原來佢又得閒, 一於相約今日去睇心心喎:) , 連大表姊都來呀..

第一站就係入來烏溪沙...

呢度有一個由一位伯伯, 用不同大細的石頭, 堆砌而成的一個大心心石頭, 我終於大開眼界, 好佩服呢位伯伯的恆心同毅力.

可能星期一就開學, 今日好多學生來沙灘癲返一日..

去碼頭八八先...

大表姊常常來陪我玩, 我同佢最熟.

昨晚不停下雨, 今日幾咁好天, 仲好曬, 反差真大.

本來想去木渡頭留影, 可惜渡頭塌了.

睇完今日第一景點, 我地決定沿海邊搵路行去泥涌.

好多年前, 大姨媽有帶大細媽同婆婆去泥涌睇人家放風箏, 事隔多年, 環境可能變了..... , 我地見有小徑就照行, 有大姨媽, 我唔怕盪失路 :p

吐露港一帶真係好靚呀...

鹹淡水交界, 特別多紅樹..

離開小徑, 焗要行出大路, 好曬呢...

行行下, 又去左烏溪沙站對出的一個大泥灘, 好大呀...

好多人來掘蜆, 我就唔會咁, 要好好保護大自然先對...

個灘好大, 我地周圍行, 享受下...

有心人將水筆仔整齊插在灘, 若干年後再來, 一定又茂盛..

如果唔係怕話今日會有雷暴, 我地一定去游水, 好彩呢度周圍都有山水流下來, 舒服屎呀....

呢隻蟹舍蚶好大呀...

但蟹身其實好細..

回望我呢世都不可能上的牛押山, 好神往...

我地由引水道口又爬返上去大路先...

我地沿單車路行, 一定唔會錯.

入西貢區喇..

到泥涌對出的石灘喇.

又可以落水玩, 唔好俾佢停.

一家玩到好開心, 又係時候醫肚..

我地揀西沙茶座, 本來打算在外邊, 但太熱了, 好彩我可以入袋 Zzzz, 全家就入冷氣位呀..

我都唔介意在袋, 反正都無我份, 而且仲要行返出烏溪沙, 瞓陣仲好.

媽咪記得呢帶好多人來放風箏, 但呢種玩意, 新一代已經唔太熱衷了.

每每我累時, 細媽都會擔遮幫我擋陽光來休息o架, 係時候出去返.

今早我地由烏溪沙青年營外行, 回程經烏溪沙村, 行下新路呢.

走到雅典居下海濱長廊, 可以看另一石埋.

因為我唔可以入去, 我同細媽都外等大家. 接近黃昏, 都係各自回家時候, 我聽到媽咪又約大姨媽去玩, 希望又唔好又雨天喇.