2013年9月15日

130915繞城門水塘一圈

晨早空氣, 清新開朗, 一於去城門水塘, 吸引下清新空氣^^


又話下午會有幾陣驟雨, 天咁藍,真係唔似.

 我地今日遲左出門, 來到城門水塘燒烤場, 搞東搞西, 食下早餐, 成 9 點先正式起步, 過水霸, 都係在蔭位行, 擋下陽光.

上城門水塘滿溢, 水流向下城門, 好耐無見咁多水.

 媽咪話今日會有成 31 度, 我地僅係行緩跑徑, 在樹蔭下, 唔怕熱傻我.


沿泥徑有好多小溪, 雖然昨日都沖完涼變了靚仔, 但我點唔放過玩水, 變泥鴨咪最多返屋企又沖過 XD


原本的藍天, 變了一片煙霞, 唔似昨日咁.



水浸白千層呀..



 細媽 : 黃家洛, 你又鑽草鑽到甩晒帽, 成個傻仔咁, 想激屎我咩....



行晒全段緩跑徑, 我變成泥鴨, 媽咪惟有幫我在溪水清洗, 佢話行石屎路, 好快會乾返晒.

到半閒亭, 遠遠見幾隻惡馬騮吼行山客, 媽咪只好抱我行過.

馬騮唔會追來卦.

接近中午, 希望佢地去晒瞓覺覺啦, 我大細媽好怕馬騮o架.

細媽發現呢塊樹葉, 好奇特, 兩邊夏洞好對稱.

因為我太愛鑽草, 搞到髮夾同帽甩晒, 媽咪頂唔順, 要我乖乖俾佢重新紮辮子喎.

其實不覊樣好正o架, 但佢地唔 LIKE, 無法啦.


今日預行半日, 又無預乾糧, 唔去大埔喎..

半日就半日, 早D返屋企, 等媽咪搞下電腦.

 自從媽咪唔小心按錯 Yahoo Blog 檔案下載, 無法寫下網址話我搬來 Blogger, 佢好後悔, 努力想辦法將我的舊博文存檔同整理, 希望將我洛印永記.

行左咁耐, 我想係度開餐呀....o下, 今日無午餐時間 @.@



今日見水浸白千層.

又在白千層下, 享受郊野景色, 一洛也 :P

 但跟坐沿路不停遇見馬騮, 緊張媽咪顧得抱我, 都無手影相, 當轉入菠蘿自然教育徑, 往時係好少見馬騮, 但全段有一半路都有馬騮在小徑行或在樹梢休息, 全家都步步為營, 因為見馬騮成日想撲遊人.

 終於過晒全段徑, 安全晒.

 平時副霸都係上鎖, 今日大開中門, 我地當然入來留條腳毛, 影張相.

兩日假期又完結, 又期待中秋翌日假期, 會係去跑沙灘定行山呢 :P

9 則留言:

  1. 有聞綠色激光有效驅趕馬騮,但貴,我試過在城門水塘用紅色激光,主因是價錢平,初時反應不大,後來牠們漸漸覺得紅點是一種威脅,見到都會四散,下次可帶支去旁身

    回覆刪除
    回覆
    1. 基本上, 我地一見馬騮即遠離, 所以比較少揀有馬騮出沒地方, 九龍水塘一帶, 經某次在金山遇到惡馬騮嚇怕, 更唔會再去 :P
      但今日見有些行山人想行埋去望,D馬騮可能怕人搶佢地手上食物, 比較兇. 紅色激光, 會否傷害到他們眼睛嗎 ?

      刪除
  2. 任何強光都會傷眼,我有支用一粒AA電芯的LED白光電筒,筒身都有強光警告標誌,二三十元平價紅色激光的功率較細,我射向牠們時會以肚腩為目標,而且不停擺動,好讓牠們容易看到,即使入眼也不易受傷,但綠色激光貴在功率大,平價都接近百元,三四百元的聲稱有0.5W,可以用來點火柴,這些入眼必盲

    回覆刪除
  3. 今個夏季香港太多雨水,所以水塘咁多水

    回覆刪除
  4. 其實我哋仲想游水!但睇黎天氣都唔會壐熱了,都要部署行山了~~

    回覆刪除
    回覆
    1. 10月底前, 相信都可以有一日夠熱 hehe

      刪除
  5. 水浸白千層好靚啊, 好想去睇下真實的水浸白千層啊~

    回覆刪除