130920追月追上大城

本來上星期六約大姨媽, 可惜時間唔夾, 今日佢有時間, 話帶我地去一個新地方玩.

明明早幾日先來過城門水塘, 又行菠蘿霸自然教育徑o既 ?

但大姨媽話一定有新意呀.

全地都係昨日缺德人遺留的蠟燭痕跡, 慘不忍睹.

唔係就係呢D新意卦.

唔知係咪馬騮未瞓醒, 今日全條自然徑, 一隻都唔見.

有水玩呀, 吓, 唔玩水, 熱喎.

流水淙淙, 過多兩日, 天兔來, 相信水量更大.

大姨媽話左今日會就我地, Hea 就來玩.

慢慢欣賞水塘水浸白千層.

其他在陸上的白千層都好靚o架, 原來係好多年前, 由澳洲引入, 樹木好適應地生長.

若干年後, 造就我地能享受成果, 會好好珍惜大自然, 好好珍惜我地的郊野公園, 唔好破壞同起樓呀.

行入少少, 我地到大城石澗河口, 很多在此乘涼休息.

經過橋咁多次, 第一次行下來.

原來新意就在此前往.

媽咪成日上網睇人行山, 都知道城門水塘一帶好多山路, 四通八達, 但好少見有人上載沿途山路相, 唔知條路合不合我同婆婆行, 有大姨媽帶路, 唔怕呀.

上了一少段, 可以行出去水澗睇下河溪, 今日水流唔急, 都幾舒服.

大姨媽錫我, 知我著左件 Mink, 秋風未起, 行無水無樹蔭山徑, 一定熱傻我.

所以揀呢條沿路都有小溪流, 咁我浸身就好快充滿力量.

玩完水, 又繼續沿山徑, 一級一級上. 昨日媽咪同細媽及婆婆講係去玩水, 全定著晒涼鞋行.

婆婆都無諗咁快攀登高位, 又上又落 XDXD

到分岔路有, 此路不通牌, 我地偏偏就係要入.

嘩, 媽咪發現有蜈蚣, 好彩我無踩到咋.

條路草叢咁密, 係咪真係行到o架.

一棵參天大樹, 幾人都圍唔晒.

原來呢條路可以入來大城石澗中流位o架.

得大姨媽用地圖指引, 媽咪清楚附近一帶路段情況, 第時我地可以自己在一帶穿梭喇, 當然會帶定地圖啦.

我地預左半天團, 唔繼續再上, 在石澗小休.

原路回程喇.

我同細媽行快左, 行錯另一條路, 雖然最後都可以接回另一段路, 但唔係今日行程, 下次認住棵大樹先.

回到分岔位, 我地靠右山徑繼續前進.

就可以接回林道.

直出可以去返自然教育徑終點及蝴蝶園, 但大姨媽話太悶, 帶我地又上山徑.

就係呢個位上呢.

條小徑唔錯, 因為全係樹根下.

最後接回龍門郊遊徑.

我地行過無數次, 好熟路呀.

但全程落石級, 要小心膝蓋位.

再睇地圖, 知道自己行過邊度, 媽咪即時入返佢個私家腦 gogo map XDXD

都兩點幾, 肚餓喇, 我地經蝴蝶園直落.

話咁快去到教育徑起步點, 然後坐車回荃灣食午飯.
好滿足一天, 雖然話又係城門水塘, 但整個郊野公園, 好多路段, 我地都未行過, 好有新鮮點, 好滿足 ^^