130922天兔殺來前

今星期初, 天文台已經預報,今年對香港有嚴重威脅的怪獸颱風「天兔」, 在星期日迫近廣東沿岸,  仲大機會直撲香港

大細媽昨日又獨自偷歡, 佢地唔想剝奪我今日的出街日, 知道最快在下午或黃昏先會掛起八號風波, 一於一早 8 點就來到小瀝源, 爭取時間行半日都好

經過昨日一整天休息, 我體力又回復晒.

細媽都唔鍾意的大樹下, 係我至愛流連地.

細媽話我今日行路無頭 dou dou 

喂, 我無留在家發毛喎.

當然特別醒神啦.

仲大踏步, 神情係咪好威武 

剛落車時, 有輕微雨毛毛, 都幾驚個天玩我.

我唔貪心, 俾我有兩個鐘操步都心滿意足.

真係過了兩個多鐘, 雨點密了.

媽咪又無帶雨褸俾我擋擋雨.


算啦, 反正濕左腳仔都係要沖水, 沖全身都一樣.

今日係星期日, 好多印傭姐姐因雨關係, 轉移到大帳篷下, 我又聽唔明佢地講乜, 聲音困在帳篷內特別嘈, 唔逗留太多了.

今是係農曆十八, 一般潮漲幅較大差距, 碰巧有暴風來, 水漲比往日更高.

第一次見城門河水位漲到快近單車路, 據預測, 今晚矞颱風接近香港時, 會正值潮漲時間, 水位會更甚.

河畔好多雀鳥都似靜待風暴來臨.

雨漸大, 我唔想行, 細媽當然樂意叫我上車.

今早太早出門, 都無到時候食午飯, 所以我地先行去划行會再折返, 我唔願濕身, 但佢地都要做行運動益身心o架.

我就舒服在細媽號, 目不轉睛周圍望.

雨又細返, 好啦, 行多陣, 否則又要等星期六先有街去.

雨又密返, 腳又相應要密步, 去埋沙角村, 剛好午餐時段, 食埋飯, 早早返家, 否則細媽入唔切貨, 今晚全家無飯食呀.