2013年9月28日

130928涼中熱, 熱又涼

9月尾喇, 一早一晚, 氣溫都低了點, 但日間仍會升上至 30度.
細媽話近來佢同媽咪都鬥夜收工, 驚咁快行山, 媽咪會頂唔順暈低或抽筋, 又怕我中暑, 游水又怕我著涼, 都係去西灣跑沙灘就算.

今日都唔知係咪專登, 太陽帽同髮夾都同大細媽對行山膠鞋襯晒, 無偏心一方

都話熱喇, 藍天白雲, 又藍又綠, 呢個就係我地香港人最愛的郊野公園, 陳官員想打郊野公園, 想創佢個心, 我地香港市民會力保每一吋方土

天氣咁好, 我地見絡繹不絕的行山人士, 好似旺角咁, 用腳去證明大家愛護大自然

雖然熱咋, 但又有風, 都係跑沙灘就夠, 落水就免了






今日西灣片沙灘好大, 好大地方俾我跑









爬上高岩壁, 會唔會可以望遠D呢

去另一個位先.

高膽遠望, 我宏願好o架, 就係日日去街街

登高完, 又跑沙灘先





媽咪發現, Google+相簿突然多了兩張相, 新功能竟然識自動將幾張相合併,  其中一張就係咁






另一張變了 gif 動畫, 正



西灣正灘咁正, 走去另一邊副灘先.

咦, 可能係天兔風暴潮影響, 四疊潭河口竟然收縮左.

但返呢個縮位俾河水流出大海咋.

就係得呢幾塊大石擋了海沙, 河水就在石隙流出來, 我就誤行上左去, 局住要落水

大部份行山人士就經此捷徑接上麥徑

明明唔游水, 但最後都內湖游左一陣.

嘩, 浸兩浸, 都係頂唔順, 凍呀, 上返岸先

真係凍到震

副灘海沙俾大風刮到地型改晒, 石頭改以前更多, 無咁好跑.

都係行返去正灘跑多幾轉.

個身乾返D, 但太陽又俾雲遮掩.

都係爭取時間, 免得陽光無左, 行水都涼.





跑左個半鐘, 都係去沖身走喇

返回呢個位, 密雲下, 色彩都唔同晒, 唔緊要, 無雨落就掂.
我地行回西灣亭, 繼續不停有行山人同我地逆行, 證明真係合適時間快到, 相信我地都好快開始我地今年行山季節喇


7 則留言:

  1. 你地早出都好d 無咁熱, 依家中午時間都好熱下呀 =.="

    回覆刪除
  2. 想請教嗰啲合併相、gif動畫功能係邊度搵﹖

    回覆刪除
    回覆
    1. 我先將相放入 goodle 相簿, 佢地有呢個新功能, 識將你連環快拍自動合併成 gif 呀.

      刪除
    2. 我搵到相簿,但嗰個功能我又唔見喎﹖

      刪除
    3. 我第一次係自動幫私整, 我都搵到個功能, 但點都玩唔到.

      刪除