130921婆婆覆診日

昨日玩左一日, 大細媽話今日要返工, 婆婆又話一早去買野, 叫我乖乖在家瞓覺豬. 

點知瞓到天黑都唔見佢地返, 究竟佢地搞乜東東, 又買甩我呀.

終於見佢地返來喇. 原來今日, 婆婆要去眼睛覆診, 媽咪惟有扮返工, 偷雞早出去, 等我安心在家休息.

等婆婆覆診後, 約埋細媽去左深水埗買野, 再去姐姐度拎早排為我訂的日用品.




原來帶返來的東西, 有白金黑毛豬粒粒, 牛尾骨, 袋鼠肋骨, 葡萄糖胺, 潔牙酵素, 防蝨帶, 螺旋藻粉, 潔眼巾, 仲有 walkie talkie, 全係為我及我用o架, 開心屎我, 咁我就唔告佢地獨留小孩在家啦.