081123畢拉山至魚則魚涌

昨晚成差不多深夜兩點先回家, 所以今早行條簡單又短的路線

我地在金鐘坐24M專線小巴到總站畢拉山起步, 準備行金督馳馬徑去魚則魚涌

起步喇因為起步係沿馬路上, 雖然假日唔會有泥頭車及工程車出入,

但我都係帶繩繩跟實細媽會安全D

見呢個牌直上就正確

我地會途經石礦場

到靶場, 有路標指向金督馳馬徑o架, 我可以自由行喇

一路上, 都要細心留意有冇車輛出入wor.

媽咪, 有條小溪流, 我可以玩水水呀

洛媽 : 個傻仔一見有水, 即刻唔理我地, 一支箭跑落去玩下

洛媽 : 洛洛好鍾意身後條小溪, 佢勁鍾意, 來來往往跑水中,

下半身濕透, 玩到唔願走

洛媽 : 叫佢乖乖坐定定影相, 佢就苦晒咀仔唔肯笑

我玩水玩得咁開心, 媽咪又話又要行, 我僅係唔開心啦

無法啦, 唔通唔聽話唔走咩

好快, 我地行到金督馳馬徑, 開始離開馬路

仲係笑唔出, 真係想行返轉頭繼續玩水

除左由畢拉山行輕斜馬路上來, 起段一路都係平坦石屎小徑

媽咪, 有水呀

跟住入泥徑, 但一樣係平坦無起落o架, 好易行

行行下, 又會變返石屎徑, 好怪呀

第一次見到的菌

難得有塊大石擋路, 我踩平佢先

I am a professional model

特色石橋

唔好學我, 我企o既地方就係剛才大家見到o既石橋呀, 好危險o架

呢度都有野外均衡定向徑o架, 唔知行上去石級會去左邊呢

我地今日專心一致, 所以繼續行今日行程, 在觀景亭轉左過3個小椿柱, 繼續行馳馬徑, 會途過一個向下支路落寶聯徑o架, 會去左北角o架, 我地要直行, 再見分支路時, 轉右行石級上山, 就可以去到柏架山道

行左咁耐平路, 終於有D石級路行下

又有支路, 唔轉上, 你要直落呀

完成石級, 就係行緩跑徑, 一路與柏架山道並行, 終於抵達緩跑徑終點, 亦完成今日所想行o既其中一段金督馳馬徑 

因為昨日無午睡, o依家開始睏了, 由柏架山道行返落英皇道先由車坐回家o架

好疲勞, 我笑唔出了

今日行程, 其實全程預計2.5小時, 絕無難求, 但我地又玩水, 又影相, 足足行左4小時ar