081108深井 / 清快塘繞圈遊

今日天文台又預告可能有幾陣雨, 但細媽短週仍留在家中的話, 又好悶o番  

所以細媽提議又去深井行往清快塘, 但又來回一轉好悶o架, 媽咪知深井附近有個聚水塘, 所以今日行程係走深井山上一圈

我地在深井村路直入, 經公廁後, 過右邊小橋, 向清快塘新村方向行去清快塘

在天橋底的小徑行, 見有石級轉上就係去清快塘的小徑, 

如果行左邊, 係去左清快塘新村o架,  

會途徑一個公廁, 有需要可先方便

行無幾耐, 會到一個觀景亭, 可以瀏覽到青馬大橋

一條路, 好簡單, 有路標指去清快塘方向

到左清快塘了, 有間喜香士多, 可以補給飲品同有公仔面食

我背後大草地, 以前係農地, 泥土比較軟, 只適用種草俾牛牛食, 唔可以跑步o架

在轉入清快塘時, 其實在分歧位有路標指示去青龍頭, 呢段就係我地加遊新路線

但亦開始要由石屎路, 改行泥路了

在每個有分支路位, 有清晰路標指示, 唔駛怕迷途

來到呢度, 有四個方向行, 可以選擇去圓墩及大欖涌水塘, 但可以會多花時間去其他位先有交通離開, 唔夠時間及無帶地圖, 都建議留下次去啦

嘩, 又上又落石級, 但都難我唔到o既

行下, 行下, 終於行晒泥路, 可以轉入深井聚水塘 

過鐵橋後, 轉往青龍頭方向         

好大水道, 塘水滿溢時, 可以引水去深井河, 流出大海

呢度有休憩亭,  有燒烤爐, 有流動公廁, 都幾方便

深井沉澱池

　 　 深 井 沉 澱 池 別名深井水塘或深 井聚水塘，功用和其他水塘不同。除了為深井一帶居民提供食水外，深井沉澱池亦能將和山水一齊流下來的泥沙及枯枝沉澱，當水塘溢滿時，水塘的食水會流到大欖涌水塘，起了淨化食水之作用 。 

水塘細細, 但風景唔差

在水塘可以行去青龍頭離開, 但我地想去深井食下午茶,

所以我地轉入管理處o既斜路去深井

呢度樓梯, 好快轉落深井村, 行程將近完結, 好快有野食, 婆婆幾開心 

一路石屎路, 睇清楚, 唔好轉錯人家地方, 有寫內有惡犬都唔好入o番

經過深井公立學校石門碑, 就係完成行程了

由深井臨時街市轉出大路, 開始我地下午茶了

時間尚早, 我地決定沿青山公路行去青龍頭坐車走

因季侯風已南下, 在海邊吹好大風, 我好怕風, 又怕吹砂入口, 唔可以張口笑呀

開始黃昏日落, 整日未見有落過雨, 想唔到咁好天

在青龍頭, 有好多小巴回市區, 好方便離開

今日行程, 由深井行上清快塘約 45 mins, 由清快塘往深井水塘約 1 hr 15 mins, 其實唔長程, 只係往青龍頭路段, 全是泥路及有石級, 要小心慢行就可以