081109烏蛟騰三椏村行

今日間中有陽光, 秋高氣爽, 是適宜行山的好天氣

早上有點涼意, 媽咪怕我似上次坐車回家時, 涼到打乞痴, 所以出門時先著衫保暖

今日行程是在大埔墟東車站, 坐 20C專線小巴來到烏蛟騰起步

由我身後小徑直入點解我咁嚴肅因為我聽到附近由有村狗吠o羅

為怕我俾村狗追, 細媽抱我行過呢個路牌一小段, 我先開始我的正式起步禮

九担租村的村民已經搬遷, 留下在60年代所建的村落

沿小徑行, 好簡易, 一條路, 無分支o架

行到呢個梅花樁柱, 我地轉上石級, 可以先在高處欣賞四周美景

我身後係吊燈籠, 如果想行上去, 一定要有豐富行山經驗, 因為山路企直, 又多碎石.

在登山入口, 有彩帶指示, 亦有警告牌, 大家要量力而為

我地有老有幼, 行山下欣賞下就OK

此處泥土因為屬火山岩, 含豐富的鐵質, 所以呈現鐵銹紅 o架

秋風起, 楓葉漸由綠轉黃紅

行行重行行, 有露天小徑, 也有濃密樹蔭.

本來無呢張相, 係我自己揀位, 堅持媽咪一定要同我影張靚相先肯罷休o架

有"小桂林"之稱的印塘洲就在背後, 好天氣時, 景色更迷人

到喇

一大遍紅樹林, 大家要慢慢欣賞同愛惜

我地在三椏村其中一間士多大休同午餐, 雞粥炒米清菜都好好味, 可惜又係無我份

午餐後, 我地行去三椏灣的小碼頭, 四處都係紅岩石, 蠻有趣

在碼頭玩完, 係時間轉去三椏涌回程了

初段沿海行. 

吸下大自然氣息先

嘩, 又唔駛咁大風喎

因為係近海邊, 所以間中都有呢D石躉, 唔駛澗水過

離開海邊, 又係在樹蔭同小徑穿梭, 所以少影相呀.

行左成日, 我開始好攰了, 笑唔出lor.

來到呢度, 即是回到梅花椿交接位.

我地在此行回早上入來的小徑, 出返烏蛟騰, 結束今日行程. 

全程來回都係3.5小時左右, 好輕鬆又一日