081115龍脊至柴灣

因為會連玩兩日, 所以今日選個方便熱點行, 唔太靜又安全 

今年一月尾, 我地都有行過龍脊, 今次由土地灣起步, 咁太陽伯伯在我地背面, 就唔怕燦親眼仔   

一起步, 就直上石級, 婆婆起步就叫 : 嘩, 好多石級喎

但行高D, 風景又靚多D, 值得o架 

唔想行上龍脊, 又可以在呢個位轉左行單車徑, 路比較平坦, 多個選擇

真係高處遠景, 同低位唔同, 我地上到第一個龍脊觀景位, 專登向右再攀高另一個高位, 呢個大石下位置, 係我自己揀o架, 又有風, 又唔怕曬, 一流

轉去大石後位置, 又可以影晒我背後的綿綿龍脊

再高一點, 真係看多一點, 石澳好靚, 雖然唔俾我入, 但居高臨下, 更正

石澳高爾夫球場.

今日有好多人來玩滑翔降落傘, 在空中自由自在, 我都想, 但媽咪有畏高, 佢唔敢

今日天氣清爽, 但又係屬於超熱, 曬傻我 

全條徑都係碎石黃沙, 見到我嗎

打爛埕頂山

好彩間中有石板級, 唔怕咁易俾浮沙滑倒

由雲枕山落來, 行完龍脊.

繼續行雲枕山至哥連臣山段林道

唔想再行, 可以在呢度轉去大潭峽懲教所離開.

我地當然繼續走埋港島第8徑啦

到達馬塘坳, 可以稍作休息.

再依港島徑的指示沿石級下坡落大浪灣, 唔想落大浪灣, 又可以在左邊直行砵甸乍山郊遊徑 

一路在林道落石級.

終於抵達港島徑最後一個標距柱 (H100)

大浪灣仍有好多人嬉水, 可惜唔俾我入

真係好大浪, 仲好多弄潮兒來玩滑浪板添.

原本成條路唔算太長, 但初段我地又上高位影相, 又拉長時間玩, 我地到大浪灣已經成4點鐘, 太陽開始落山, 唔可以停太耐, 要加快步伐了.

我地跨越大浪灣, 轉上燒烤區, 準備行往柴灣.

有興趣, 不妨行多兩步, 參觀史前石刻.

連綿不斷的長命樓梯, 開始了

初初時, 婆婆仲有心情話要擺 pose 影相o架, 接後就話 : 點解行極都未行完o架 

哥連臣角懲教所.

真正的長命天梯

剛才咪話, 唔想行落大浪灣, 可以直行ge, 直行就係來到呢個位, 唔需要行上落長命梯, 來到呢度, 媽咪先同婆婆及細媽講, 激屎佢兩個  , 媽咪一早計劃行程, 咁一早爆, 就一定俾佢兩個否決唔落大浪灣

來到呢度一定要轉上先行得通往柴灣o架

見柴灣藍灣半島, 終點在望

完成石級, 轉落龍躍徑

龍躍徑全程無車馬路, 好多人來來往往行黃昏遊

快完成, 天已黑.

落到柴灣海濱中央公園, 完成今日全日行程

全日行程 : 港島徑第8段 - 3小時, 大浪灣至柴灣 - 1.5小時