210228十六歲了

 到 28/2 喇, 今日星期日, 無雨了, 我地來城河行下.

濱景花園外, 紅花黃花, 好靚.

齊整影返張先.

今日, 早上比較涼, 凍凍地, 又比較特別. 

因為我已經十六歲了.

上年, 大細媽決定幫我做手術.

跟住牛蜱熱翻發, 都一直擔.

每日都食藥同定期覆診.

好彩, 大步檻過.

雖然, 我開始有D撞聾.

睇野又小小唔清楚.

後腿無以前咁有力.

但我食得.

走得.

無乜人信我咁大呀.

繼續行下城河都幾好.

簡單, 婆婆又應付到.

平常心.

自然開心笑.

沿途有好多人祝福我, 真係好開心.

大細媽話希望我同婆婆都身體健康.

四口組一齊出動就滿足.

全家一齊, 亦希望疫情快過, 安全除下口罩.

無特別慶祝.

又係返飯堂, 舒舒服服, 食個開心飯就得, 我今日食左兩粒雞蛋仔添.