210207美好星期天

 瞓醒又出動. 美好天氣, 令人醒神.

細媽本來打算去對面, 行去馬房就折返去狗公園就走.

但今早到來, 得14度, 有太陽曬住會舒服.

最後都係決定照樣行去大圍.

全家一路行, 一路鬆筋骨.

婆婆都Hea Hea步, 又唔係要趕時間.

等婆婆方便後, 繼續向大圍前進.

剛剛星期三立春, 即係春天到, 等我開風扇吹走衰氣.

唔係平路咩 ? 點解會有梯級 ?

原來係婆婆揀.

我惟有照上級.

好彩都係得 9 級咋.

對岸會無咁曬, 但多工程地盤.

行呢邊, 廁所相對多.

婆婆可以行下, 休息下, 又可以方便.

咦, 遠遠見到叉燒婆婆呀.

跟住又見到 Mimi同佢媽咪, 我地一齊行, 一齊休息. 又見松鼠仔經過.

又撞埋柴犬朋友仔, 我地一團人一齊行.

昨日遇到好多行山朋友, 今日又係, 好開心.

我地都係同大家提早拜年, 因為唔係一定巧合時間撞到.

到城門河口, 竟然好乾淨, 無晒垃圾, 第一次見咋, 希望唔好再有好多垃圾沖來.

今日又係在大圍食粉麵, 間店舖姨姨已經認得我地一家, 真係咁易認咩 ?