昨晚問婆婆, 想唔想試下去大潭水塘, 睇下有無機會望到吊鐘花, 佢話好呀.
其實, 大家都知係燒烤場有幾棵呀.
今日天氣好, 唔出來郊區, 有點浪費.
婆婆又可以曬下太陽.
今日遲左來, 都相信比較難遇到相熟朋友.
燒烤場真係有吊鐘花, 但疫情下, 不能入內, 遠觀囉.
朋友仔都有, 打下招呼.
全程最辛苦嘅上斜路, 今日由媽咪抱我上來.
葡萄花開.
婆婆, 過多兩個月有果呀.
我唔等, 遲D會有, 再來睇.
今日有遇返識左三年嘅拉布拉多朋友仔同佢爸爸, 佢都三歲多了, 當年得幾個月大咋, 周圍跳, 現在好乖, 爸爸叫佢行去同人類小朋友打招呼, 佢好乖巧好friendly.
兜個圈先.
霸邊有人在拉筋, 我去另一個位打咭.
遠遠又見到相識伯伯同姨姨, 跟住又撞到另一位相熟叔叔, 新年前, 撞到好多熟人呀.
無吊鐘花, 就睇吊鐘王.
伯伯同姨姨留起麵包邊, 帶來餵魚.
婆婆睇得聚精會神, 佢最鐘意係咁.
伯伯餵魚時, 呢隻大鳥, 襯魚游近塘邊食包, 次次都識走來, 捉近塘邊的魚.
眼明咀快, 食左四條先走.
物競天擇, 無法呀.
我地當然係向下行.
婆婆會無咁攰, 夠氣行.
彎月亮仲見呀.
到此小休.
要繼續行.
仲有好近路程.
呢段雖係平路, 但有陽光曬, 細媽會抱我, 怕我曬同攰, 有樹蔭就俾我行.
呢個休憩場, 原來的木櫈又改左.
變左大班椅.
但我都係咁坐咋.
而婆婆就可以示範.
婆婆: 我矮, 唔好坐囉. 好硬呀.
最後一條石橋.
今日遲左一個鐘先到大潭道, 多左人行完山走, ,要馬上去洗手間, 快快去排隊等車先.
沒有留言:
張貼留言