210224川龍下愉景

細媽放假, 一於去川龍飲茶. 原來彩龍無左戶外位, 我地即走去端記, 好彩早到早有戶外位.

一陣就無晒位, 原來戶外位在10:00就要收檯呀, 乜現在執法咁嚴.

細媽見有隻貓貓, 就拎D雞乾俾佢試, 貓貓真係唔怕羞, 老實不客氣.

食飽飽, 要走了. 本周係生日周, 打算去影下生日相.

起初, 細媽打算去川龍家樂徑個草地, 但媽咪話好細咋, 又唔想行家樂徑, 因要上山.

於是決定行去西洋菜田果邊, 到梯級位回頭.

頭段有平路.

今日閒日唔多人.

婆婆話行完回頭? 唔係去城門水塘咩 ?

婆婆話想行落去.

會唔會遠呢?

呢度回頭, 又真係太短路, 現在好早咋.

婆婆, 你諗清楚未 ? 

最後, 決定照落城門引水道. 都是搵位走.

婆婆好耐無抱住我一齊照相呀.

婆婆話當然仲抱到我.

但抱住行就唔得, 平路的話, 我自己行啦.

或者細媽抱住落石級.

婆婆, 慢行就可以.

行下, 輕鬆下, 照下相, 由川龍落到引水道, 都係用左一個鐘, 現在都未到 10 點半.

一於向前行, 搵左廁所先.

沿路影下.

婆婆仍想行去城門水塘.

雖然都係平路, 但打後無廁所, 要行到引水道終點先有.

大細媽決定由此落去荃錦公路, 雖然未行過, 地上寫住 866, 即落 866 級到呢.

指住去扶輪亭, 即係呢度 ?

呵呵, 行左幾十級就到.

影下相, 繼續.

中途有位就休息.

都係呢d平緩石屎級, 慢落就得.

由 866 到 400, 再落多三十級左右, 又有亭可以坐下.

亭內有人用枯葉寫左字, 都幾得意.

好彩決定英明.

途中石級旁有分岔路, 媽咪問一位叔叔, 原來引水道有呢條路落, 唔駛行石屎級咁斜.

但邊個位落來, 我地唔知囉.

級復級.

就落到荃錦公路, 對面就係荃灣.

要過馬路.

我上返車.

我地第一次行呢度, 行去愉景新城搵車走.

返到飯堂都係一點, 等左一陣就有位. 媽咪, 我好口渴, 拎水出來啦.