190317傷了的小麻雀

我地食完午飯就坐車返屋企, 細媽自己去買餸先返.

當媽咪同我開始梳洗無耐, 細媽就按門鐘, 咁快嘅 ?

原來細媽去商場途中, 見到隻小麻雀行得好怪, 佢跟住雀仔行左幾圈, 小麻雀唔識飛起, 似其中一翼受傷左, 細媽考慮左好耐,決定用膠袋捉佢返屋企.

小麻雀呆呆下, 媽咪在whatsapp報告了全家人, 大姨媽怕小麻雀有流感, 但我地又點捨得唔理佢.

屋企無雀籠, 惟有拎舊的青蛙缸俾佢安頓先.

佢好似好攰.

個缸太滑,媽咪剪塊棕葉, 又搵個隱形眼鏡盒裝食水同雜米.

佢定左神, 就識走去食同飲.

食飽就馬上閉眼休息.

好揀食, 食晒雜米, 唔食盛盛的雀糧.

雖然未知乜事, 但你好好休養下先啦.