話左今早會轉天氣, 出門時, 竟然有微微雨粉飄在面.
來到小瀝源, 地係乾爽, 但一樣雨粉粉, 一邊陽光爍爛, 一邊厚厚灰黑雲, 係咪想落大雨 ?
得媽咪出門時, 臨時返轉頭拎左細遮, 細媽同婆婆帶帽咋.
無得返轉頭,,惟有向暗天的河畔行.
好彩, 一路行, 天一路光亮.
厚厚黑雲無左.
另一邊, 太陽就好勤力.
眼都張唔開.
不如轉位置啦.
轉另一個位, 好好多.
婆婆都話係.
山到河畔, 明顯陽光唔錯.
但因有高樓擋擋, 又唔會熱.
溫度舒適.
講兩講,又唔見左婆婆身影.
追.
婆婆, 你要在適當位置小休呀, 否則我就無得坐下來食雞雞, 你明嗎 ?
行左行, 佢又行左好遠.
在平路, 次次都係我殿在最後.
婆婆在平路就一支箭.
婆婆, 話左你要等埋我啦.
嗱, 等我打埋咭就可以轉去飯堂. 我已經知唔可以在沙燕橋轉.
婆婆, 你快快去廁所, 我等你.
噢, 連細媽都唔見左.
兩個唔見晒.
媽咪, 點算好 ?
要等幾耐 ?
細媽會係邊出現 ?
左邊 ?
見喇......婆婆都出現埋.
好野, 去飯堂.
飯堂搬左, 要過馬路, 我地要行遠少少, 無問題.
今日搵到個新位置坐, 同個個姨姨打下招呼, 午餐餐單出, 可以點餐喇.
沒有留言:
張貼留言