190216洛在晴天下的大潭

早幾日預告有霧的早上, 今日來到閘口, 想唔到又暖又乾爽.

而且, 天上無厚雲.

陽光照在楓香樹係暖和色.

休息左兩日.

精神奕奕大步行.

郁李又開多左好多花.

仲有奇景 : 山竹吹斷左的一棵參天紅棉樹, 斷樹幹完全折斷, 樹葉同根, 一早無晒, 因為太大棵, 仲未有人處理. 今日竟然在無根無葉下, 長出一朵木棉花.
起初以為係其他木棉樹, 但四周就得佢原先的樹頭, 望清楚, 真係斷木真出來, 神奇.
生命力太勁, 存在樹幹的能量, 可以維持佢生一朵花來延繼生命.
因為太遠, 好難對焦影清.

太陽在前方.

藍天白雲, 我地仍在山蔭下.

步步健步.

陽光照下, 吸收暖意.

可勁陽光.

今年雨季幾時來.

今日仍係直落去大潭道.

媽咪未摸到光亮度.

改用快門先決.

用光圈先決都出唔同顏色.

雲又厚返, 變左陰天

又再密密走.

又到小休勝地二.

呢度楓香變紅.

又繼續喇.

初春,真係多左幼芽生出.

見到大霸喇.

婆婆又變身, 所以又影返張.

剛才有個男人當草龍係蜥蜴, 想踩佢, 好彩旁邊個女人叫住佢.
草龍BB, 世上多壞人, 快快入回叢啦.

到目的地, 我諗起又開心, 因為可以返屋企飯堂, 好心急想盡快入袋小休呀.
細媽快D準備啦.